• Diyarbakır 33 °C
  • Batman 32 °C
  • Hakkari 25 °C
  • Şırnak 31 °C
  • Ağrı 22 °C

YPGê pêşniyara vekişîna ji Efrînê red kir

YPGê pêşniyara vekişîna ji Efrînê red kir
Berdevkê Yekîneya Parastina Gel (YPG) Nûrî Mehmûd teqez kir ku "YPG xaka Sûriyeyê diparêze û nabe jê derkeve" û pêşniyara bidawîkirina operasyona Tirkiyeyê li dijî Efrînê li beramberî derketina wan ji Efrînê red kir.

Mehmûd duh bi ajansa Sputnikê re axift û li ser pêşniyara Partiya Demokratîka Pêşverû ya kurdî ku YPG li beramberî derketina hêzên Tirkiyeyê ji Efrînê derkeve got: "Em hêzêke Sûriyeyê ne û xaka Sûriyeyê diparêzin. Nabe ku em derkevin ku rêxistinên el Qaîde, DAIŞ û terorîst şûna me bigirin" û teqez kir ku vê pêşniyarê red dikin.

Berdevkê YPGê di berdewamiya axiftina xwe de got: "YPG li ser xaka xwe ye û wê diparêze. Em sûrî ne û dagirkeriyek heye. Divê hemû dagirker derkevin û dest ji xaka me berdin."

Li ser pêşniyara Partiya Pêşverû, Mehmûdî got: "Ev partî li herêmên bakurê Sûriyeyê ye ku di bin kontrola YPGê de ye. Em nizanin bê ev pêşniyar li ser çi bingehê hatiye kirin û giraniya wê çi ye. Gelo ev partî dikare navbeynkariyê bi hêzên Tirkiyeyê re bike."

Ev nûçe 472 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din