• Diyarbakır 3 °C
  • Batman 4 °C
  • Hakkari -1 °C
  • Şırnak 5 °C
  • Ağrı -5 °C

YPG: Şervanên me tu caran çekên kîmyewî bi kar neanîne

YPG: Şervanên me tu caran çekên kîmyewî bi kar neanîne
Yekîneyên Parastina Gel (YPG) ragihand, şervanên wan di şerê Efrînê de ti carî çekên kîmyayî bikar nehanîne.

Duhî hinek malperên Tirkiyê şervanên YPGê bi wê yekê tohmetbar kiribûn ku di şerê Efrînê de çekên kîmyayî bikar tînin.

Li ser vê yekê, YPGê daxuyaniyek belav kir û ragihand, Tirkiye dixwaze bi wan derewan şikestina xwe di şerê Efrînê de veşêre.

Di daxuyaniyê de hatiye ragihandin ku artêşa Tirkiyê li gundê Şêxurzê yê nahiya Bilbilê çekên kîmyayî bikar anî û wiha hatiye gotin:

“Di operasyona paqijkirina devera Şêxurzê de artêşa dagirker derbên giran xwar û wan bixwe ev çek bikar anîn. Piştî dîtina bandora vê çekê hêzên me xwe kişandin bilindahiya gund û terorîstên di qadê de man bi xwe ji vê çekê bandor bûn.”

Ji aliyekî din, YPGê ragihand ku wan gundê Şêxurzê yê Bilbilê bi temî ji destê hêzên Tirkiyê standine û dest danîne ser tangek û gelek cebilxane jî.

Ev 19 roj in artêşa Tirkiyê bi hemû hêza xwe êrişî herêma Efrînê ya Rojavayê Kurdistanê dike. Heta niha bi sedan sivîl hatine kuştin û bi sedan kes jî birîndar bûne.

Ev nûçe 396 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din