• Diyarbakır 31 °C
  • Batman 29 °C
  • Hakkari 24 °C
  • Şırnak 30 °C
  • Ağrı 18 °C

YNK dê kongreya xwe di 5ê Adarê de li dar bixe

YNK dê kongreya xwe di 5ê Adarê de li dar bixe
Dîroka kongreya Yekîtiya Niştîmaniya Kurdistanê (YNK) diyar bû. YNK kongreya xwe di salvegera serhildana Herêma Kurdistanê (5ê Adarê) de li dar dixe.

Konseya serokatî ya YNKê duhî ji bo diyarkirina roja kongreyê civînek lidarxistibû.

Cîgirê Sekreterê Giştî yê YNKê Kosret Resûl Elî di civînê de ji bo roja kongreyê 5ê Adarê pêşniyar kir û pêşniyara Elî di civînê bi pir dengî hat qebûlkirin.

Bi erêkirina kongreyê YNK rêziknameyeke ku wê 4 salan derbas bibe amade kir. Li gor çavkaniyên herêmî, Lijneya Rêvebiriya Partiyê ji 121 kesî û Meclisa Giştî jî ji 50 kesî pêk tê.

Li gor pêşbîniyan wê ti kes li cihê Sekreterê Giştî yê YNKê Mam Celal Talebanî neyê hilbijartin, li şûna postê sekreteriyê wê Konseya Serokatiyê ku ji 3 kesan pêk tê were sazkirin.

Komîsyona Bilind a Kongreyê dest bi xebatên xwe yên lidarxistina kongreyê kir. Tê pêşbînîkirin ku ji hezarî zêdetir delege tevlî kongreyê bibin.

Ev nûçe 390 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din