Wefadê sînamakarê Kurd Yilmaz Guneyî ser ra 36 serrî vîyartî. Yilmaz Guneyî her tim bêrîya xoserîya Kurdistanî kerdêne. Emrê ey bi mucadeleyê azadî vîyart û welatê xo ra dûrî de, bi bêrîya welatê xo 36 serrî verî wefad kerd. 

Hîrîs û şeş serrî verî, roja 9 Îlona 1984î, hunermend û derhênero pîl Yilmaz Guney nêweşîya xo ver wefat kerd. Emrê ey bi mucadeleyê azadî vîyart û welatê xo ra dûrî de, bi bêrîya welatê xzo 35 serrî verî wefad kerd.  

Yilmaz Guney, zimistanê serra 1983î de Parîs de beşdarê festîvalê Ensîtuya Kurd bibi û azadî û xoserîya Kurdistanî ser o qalê zaf bi  qîmet  vatbi. 

Qismêk vatişê Yilmaz Guneyî wina yê:

“Meseleya kurd tena meseleyêka kulturî nîya, tena meseleya tezatîya mabênê kurdan û tirkan, kurdan û ereban zî nîya, meseleya kurd bi azadî û xoserî safî bena. Kurdistan, hetê siyasî û komelkî û cografî de zerrîya Rojhilatê Mîyanênî de ca gêna. Helbet meseleya kurd tena azadîya şarê kurdî nîya, gere kurdî bi şaranê Îranî, Tirkîya, Iraq û Sûriye dir pîya azad bibê û yewbînan dir bi biratî pîya bicuyê …Qet çîyê azadî û xoserî ra qîmetêr nîyo. Biciwîyo biratîya şaranê Kurdistan, Tirkiya, Îran û Iraq û Sûriye. Biciwîyo Kurdistano azad, xoser û demokratîk…”

Yilmaz Guney kam o?

Derhêner û sînemakaro namdar o kurd Yilmaz Guney, bi namê raşteqîn Yilmaz Putun, 1ê Nîsane serra 1937î de dewa Adana Yenîce  de ameyo dinya. Bi eslê xo kurd o û wîlayetê Sewrêge ra yo.

Yilmaz Guney mektebê seretayî û yê mîyanên Adana de wendo. Seba ke keyeyê ey keyeyêko karker bi, 9 serrîya xo de dest bi xebate kerdo.

Guneyî beşa hiqûqî ya Unversîteya Anqara,  beşa ekonomi ya Unversîteya Îstanbulî wend la seba ke serra 1957î de dadgehî derheqê ey de 7 serrî û nêm cezaya hepisxaneyî û 2 serrî û nêm zî cezaya sirgûnî da ci, nêeşka mektebe xo biqedîno. O wext serrêk zî hepisxane de mend.

Guney, serra 1972î de seba ke beşdarê çalakîyanê sîyasî bîyo ame tepiştiş û 2 serrî hepisxane de mend.

Yilmaz Guney seba kiştişê dozgerê wîlayetê Yumurtalikî 18 serre bi cezaya hepisxaneyî ame mehkûmkerdiş. Guney serra 1981î de hepisxaneyê Ispartayî ra rema û şi tebere welatî.

Guney serra 1982î de, Festîvala Fîlman ya Cannesî ya Parîsî de, bi fîlma xo ya bi namê “Yol” (Rayîr), xelata Palmiyeya Zerdin girewt.

DerhênerO kurd Yilmaz Guney, 9Ê îlona 1984Î de, hema 47 serîya xo de nêweşîya xo ver wefad kerd.