YE Wê 200 Mîlyon Dozên Vakîsîna Korona Bişîne Welatên Xizan

YE Wê 200 Mîlyon Dozên Vakîsîna Korona Bişîne Welatên Xizan

.

A+A-

Yekîtîya Ewrupa îro Pêncşemê ragihand ku ewê heta dawîya vê salê 200 mîlyon dozên vakîsîna vîrusa korona bişîne jimareke welatên xizan.

Yekîtîya Ewrupa, ku 27 endamên wê hene, berê ragihandibû ku ewê bi rêka programa COVAX ya Neteweyên Yekbûyî, 100 mîlyon dozên vaksîna korona bi belaşî bişîne dewletên herî hejar yên cîhanê.

Seroka Komîsyona Yekîtîya Ewrupa, Ursula von der Leyen ragihand ku ew wek berpirsî dibînin ku di şerê dijî vîrisa koronayê de alîkarîya cîhanê bikin.

“Vaksînkirin xala bingehîn ya pêşîgirtina belavbpna vîrusa korona ye. Loma jî gelek girîng e ku vaksînên COVID-19 li her derê cîhanê berdest bin,” von der Leyen got.

Li gor Yekîtîya Ewrupa, programa COVAX heta niha li 136 welatîn cîhanê pirtir ji 122 mîlyon dozên vaksînê belav kirin e.

Yekîtîya Ewrupa herwiha dîyar dike ku ew alîkarî ji dewletên Afrîqî re pêşkêş dike ku bikaribin derman û vaksînan çêkin.

Önceki ve Sonraki Haberler

HABERE YORUM KAT

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin