Wezîrê navxwe yê Tirkiyê Suleyman Soylu ragihand, biryara dadgeha mafên mirov ya Ewropa bo berdana Demîrtaş, pûç û bê wate ye!

Wezîrê navxwe yê Tirkiyê, Suleyman Soylu li Enqerê di civîna asayişê de axivî.

Suleyman Soylu li ser biryara dadgeha mafê mirov ya Ewropayê derheqê berdana girtiyê siyasiyê kurd Selahedîn Demîrtaş ragihand, biryara dadgha mafên mirov ya Ewropayê pûç û bê wate ye

Soylu her wiha got, Ewropa dijminatiya Tirkiyê dike. Ewropa bi rengî nikare xwe pak bike.

Bi gotina wî berpirsê tirk, Selahedîn Demîrtaş “kesekî terorîst e” û nabe were berdan.

Duhî serkomarê Tirkiyê Recep Tayîp Erdogan jî biryara dadgeha Ewropayê bo berdana Demîrtaş red kiribû.

Dadgeha mafên mirov ya Ewropayê pêr bang li Tirkiyê kir Selahedîn Demîrtaş berde.

Demîrtaş ji payîza sala 2016 ve heta niha di girtîgehê de ye.