Wezareta Derve ya Emerîkayê bi raportekê eşkere kir Îranê 18 mîlyar dolar bo terorê terxandiye

Wezareta Derve ya Emerîkayê bi raportekê eşkere kir Îranê 18 mîlyar dolar bo terorê terxandiye

Wezareta Derve ya Amerîka di raporekê de eşkere kir, ku di heyama 8 salên derbasbûyî de, Îran bêtirî 18 milyar Dolar ji bo piştevanîkirina terorê li Iraq, Sûrya û Yemenê xerc kiriye.

A+A-

Girûpa Karên Taybet bi Îranê di Wezareta Derve ya Amerîka de, raporek amade kiriye û têde piştrast kiriye, ku Rêjîma Îranê bi riya Feyleqa Qudsê ya ser bi Supaya Pasdaran ve, ew pere bi riyên cuda radestî wan mîlîşya û girûpan kiriye, ku ji bo berjewendiya Îranê, li welatên navçeyê şer dikin.

Di raporê de, kiryarên wêrankir ên Îranê li navçeyê, bi riya piştevanîkirina terorê û pirogramê mûşekî û xwedizîn ji sizayan û gefên deryayî û emnî û binpêkirina mafên mirovan û ziyangihandin bi jîngehê, hatiye zelalkirin.

Herwiha balkişandiye ser wê yekê, ku Îran berdewam e li ser parastina endamên girûpa El-Qaîde û mafê manê li cem xwe daye wan û hejmarên mezin ji çekdaran li Sûrya û navçeyên başûrî Asya belav kiriye.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin