Weqfa Mezopotamyayê 21ê Sibatê pîroz kir û mizgîniyek da: 'Rêbera Rastnivîsînê çap bû'

Weqfa Mezopotamyayê 21ê Sibatê pîroz kir û mizgîniyek da: 'Rêbera Rastnivîsînê çap bû'

Weqfa Mezopotamyayê ya ku bi xebatên kurdî tê zanîn û ‘Rêbera Rastnivîsînê’ çap kir, 21ê Roja Zimanê Zikmakî ya Cîhanê pîroz kir û got ku hemû ziman mîrateya mirovahiyê ne

A+A-

Weqfa Mezopotamyayê ya ji bo zimanê kurdî gelek xebatan bi rê ve dibe, bi boneya 21ê Sibatê Roja Zimanê Zikmakî ya Navneteweyî daxuyaniyek nivîskî weşand.

Daxuyaniya Weqfa Mezopotamyayê wiha ye:

“Weqfa me ev sê sal in ji bo avakirina bingeha zanîngeheka bi kurdî xebatên xwe yên li ser zimanî didomîne. Ji bo ev bingeh bê amadekirin û materyal bên çêkirin pêwîstî bi termînolojîyeka hevpar a rêziman û lînguîstîkê, bi rêbera rastnivîsînê, herweha bi rêbera rastnivîsîna bêjeyan hebû. Di vê çarçoveyê da di bin banê weqfa me da, di sala 2015an da Komxebata Kurmancîyê hat avakirin. Gelek zimannas û lêkolînerên kurd endamên vê komxebatê ne û karên xwe yên li ser zimanî didomînin.

Kurmancîya nivîskî, li gor demên berê, îro di gelek warên jîyanê da heye û pêwîstîya wê bi rêbereka rastnivîsînê heye. Ji beşên kurdî yên zanîngehan bigirin, heta televîzyon, rojname, malper û weşanxaneyan, kurdîya kurmancî êdî di gelek waran da çalak e. Di van waran da ji bo nivîsîneka baş, birêkûpêk, fambar û herweha ji bo berlêgirtina tevlihevî û sergêjîyan, qayîdeyên zelal şert in. Ji ber vê yekê me serê ewil xebata ‘Rêbera Rastnivîsînê’ da pêşîya xwe û piştî gelek komcivînan me xebata xwe bi dawî kir û wekî pirtûk çap kir.

Bi minasebeta Roja Zimanê Zikmakî ya Cîhanê em vê xebata xwe pêşkêşî raya giştî dikin û dibêjin, hemû ziman mîrateya mirovahîyê ne. Roja Zimanê Zikmakî ya Cîhanê li we pîroz be.” 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin