Walîyê Diyarbekirê: Otomobîlên polîsan û zabiteyan dikarin anonsên kurdî bikin

Walîyê Diyarbekirê: Otomobîlên polîsan û zabiteyan dikarin anonsên kurdî bikin

.

A+A-

Walîyê Diyarbekirê Munîr Karaloglu ragihand ku di çarçoveya agahdariyên bo tedbîrên pêşîgirtina vîrusa koronayê de, otomobîlên polîs û zabitayên şaredariyê dikarin bi zaravayên Kurdî yên kurmancî û zazakî anonsan bikin.

Walîyê Diyarbekirê di civîna derbarê metirsiya hatina pêla duyem vîrusa koronayê de ku bi qeymaqam, berpirsên emnî û midurên tenduristiya navçeyan re pêk anî de, diyar kir ku ji bo pêşîgirtina belavbûna vîrusa koronayê otomobîlên polîsan û zabiteyan dikarin bi zaravayên kurmancî û zazakî anonsan bikin.

Karaloglu destnîşan kir ku pêla duyem a koronayê teqez wê pêk were û divê tedbîr û kontrol werin zêdekirin li seranserê bajêr.

Herwiha walîyê Diyarbekirê ji rayedaran daxwaz kiriye ku di heyama qedexeyên qismî de nehêlîn astengî li ser ajalvanî, hilberîn û çandiniyê çêbibe.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin