• Diyarbakır 27 °C
  • Batman 24 °C
  • Hakkari 15 °C
  • Şırnak 21 °C
  • Ağrı 15 °C

Wa serra newa bibo serra averberdena hişmendîya neteweyî

Wa serra newa bibo serra  averberdena hişmendîya neteweyî
Serokê Peroyêyî PAKî Mustafa Özçelik, sewa Serra Newîye yew mesaj da.

Wa serra newa bibo serra yewbîyayen û averberdena hişmendîya neteweyî

Yewna serre bi weşî û nêweşîya xo ya vêrarte.

Serra 2017î de, heme çehar parçeyê Kurdistanî de zî destkewten û aver şiyayîşê ke hêvî bidê ma, zaf vêşî nêbî.

Serra 2017î de netîceyê referandûmê xweserbîyayene hîs û vîr bawerîya ma gurr kerd; bi degirewtena Kerkûkî zî zerra ma şikênay.

Hawayê serranê verênan, serra 2017î de zî pers û meseleyê tewr sereke, reyna lawazîya hişmendîya neteweyî û bêîtifaqî, pênêgirewten û yewnêbîyayena neteweyî bî.

Aşkere yo ke hişmendîya neteweyî peyda nêbo û yewbîyayene nêbo, do emsar zî parrî ra hewlêr nêbo.

Heta ke ezezî û menfaetê şexsî, malbatî û grubî her kesî rê sey destbidekerişê heme çî bo, heta ke cêrabiyayene, dişmenîya xomîyan û parçebîyayene winî dewam biko, do emsar jî parî ra hewlêr nêbo.

Seba heme Kurd û Kurdistanijanê dinya, hewceyî û mewzûya esasî, peyda nêbiyayîşê hişmendîya neteweyî û yewbîyayen a. Na mesela, sey nêwşîyeka tarîxî hetanî ewro ameya.

Eger ewro ma başûrê Kurdistanî de keberê xoserbîyişeye vera agêrayê se ke, sebebê yê na nêweşî ya.

Ewro bakûrê Kurdistanî de bi des henzarana canfîdayî şiyê labelê hema ziwanê kurdî zî bi qanûnî û yasayî nêameyo qebûlkerdiş, sebebê ey zî eynî nêweşî ya.

Ewro rojawayê Kurdîstanî de zî bedelê giranî ameyê dayîş, labelê hema zî dîyar nîyo ke şewra o do çi bibo, sebebê ey zî na nêweşî ya.

Ewro rojhelatê Kurdistanî de zî rejîmê Îran nêverdano milleta ma çimanê xo akero, sebebê naye zî eynî nêweşî ya.

Heta ke ma ciwabê persê “Çirê yewbîyayen û hişmendîya neteweyî nêbena” nêveynê; ma do nişênêbê dermanê na wîrûse, na penceşêre û na birîne peyda bikê. Heta ke ma nê dermanî peyda nêkê, ma do zaf rayan keberê xoserbîyayene ver ra agêrê, hema zaf rayan tersê şerê xo bi xo, do ma hewna warizno, ma do zaf rayan xwezîya xo bi serrandê verênan bîyarê.

Seba ke serra 2018î zî bi heyf û xwezîyan nêvêro, gerek ma bi nameyê şexis, partî, millet, dîn û mezheban çîyê ke hetanî ewro zanaynê û vatê, bidê yew heta û bi fehmê rexnekerdene îstiqbaldê xo ra biewnî.

Ma çi zanaynê, ma çi vatênê û çi kerd? Hewce yo ke ma heme vatiş û kerdişê xo bi terazûya wijdanê xo bipeymawê. Na gama verêne, do bibo desbidekerdişê mimkunatîya xwezî û hêviyandê ma.

Xo ro mikûrameyîş şêno bibo destbidekerdena yew ray û dermanê newe yê na nêweşîye ke birîna ma ya tarîxî ya.

Verê heme çî gerek ma bizanê ke ma ra teber, çi kes nişêno ewro û şewrayê ma dîyar biko û çi kes ma rê serbestîye nêano. Çi kesêk serbestî û îstiqbalê millet û welatê ma, do bexşê ma nêko. Eger ma bi xo bibê, destek û paştgêrîyê teberî zî hîna vêşî cayê xo vînenê.

Bêrê ma her yew xo ra dest bide bikê. Eger ma bişênê naye bikê, serra newa zî do bibo yew gama newa.

Hêvî kena ke heme parçeyanê Kurdistanî de hişmendî û yewbîyayena neteweyî peyda bibo. Ez serra newe ya hema hembazandê PAK, yê nas û dostanê xo, yê şarê Kurdistanî û heme şarê dinya pîroz kena.

31.12.2017

Mustafa Özçelik

Serokê Pêroyê PAKe

Ev nûçe 887 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din