Virusê Korona: Hûmara qûrbanan resa 34 hezarî

Virusê Korona: Hûmara qûrbanan resa 34 hezarî

Pandemîya vîrusê Korona ra her roje hezaran kesî mirenê. Gore Ûnîversîteya Zanîngehê Johns Hopkins heta şewa yewşemeyî pêro dinya de 33 hezar û 852 kesî merdî.

A+A-

Merkezê Xeberan - Hûmara merdimanê ke înan de vîrusê Korona teşhîs bi 716 hezarî ra zêdêr a.Goreyê doneyanê Ajansê Xeberan ê Fransa (AFP) vîrus 183 welatan û herêman de vila bîyo.

Goreyê doneyanê Unîversîteya Johns Hopkinsî en tay 149 hezar û 71 nêweşê Korona weş bîye.

AFPyî aşkere kerd ke heta şanê yewşemeyî pêro dinya de 3 hezar û 241 kesî Korona ra merdê û hûmara kesê ke vîrusê Korona kewtî bîy 56 hezar û 973.

Mabênê 24 saetanê peyênan de en zaf Îspanya, Fransa û Amerîka de merdimî Korona ra merdî.

Îtalya de heta nika 10 hezar û 779 kesî Korona ra merdî û 97 hezar û 689 kesî vîrusê Korona kewtî. 13 hezar û 30 kesî zî weş bîyî.

Îspanya de 78 hezar û 799 nêweşê Korona estê û 6 hezar û 528 kesî Korona ra merdî.

Çîn de 3 hezar 300 kesî Korona ra merdî û 81 hezar û 439 kesî nêweşîya Korona kewtî.

Îran de goreyê doneyanê fermîyan 2 hezar û 640 kesî Korona ra merdî û 38 hezar û 309 vîrusê Korona kewtî.

Fransa de zî hûmara qurbananê Korona 2 hezar û 606 kesî ya. Fransa de bi temamî 40 hezar û 174 kesan de vîrus ame tesbîtkerdene.

Welato ke tede tewr zaf nêweşê Korona estê Amerîka ya. DYA de goreyê doneyanê fermîyan 132 hezar û 637 kesî pê vîrusî kewtî. Înan ra 2 hezar û 351 kesî merdî, rewşa 2 hezar û 612 kesan zî baş bîye. Şêwirmendê Trumpî hîşyarî dabi ke beno ke DYA de Korona ra do 100-200 hezar merdimî bimirê.

Şanê şemeyî ra nata Uruguay, Sûrîye, Bolîvya, Malî û Zelandaya Newîye de reya verêne xeberê qurbananê vîrusî ameyî parekerdene.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin