• Diyarbakır 4 °C
  • Batman 5 °C
  • Hakkari -1 °C
  • Şırnak 3 °C
  • Ağrı -2 °C

To Rê Oxir bo Dr.Seîd Curukkaya!

To Rê Oxir bo Dr.Seîd Curukkaya!
Bakur, Başur, Rojhilat û Rojawan ra; yanî çar parçe Kurdîstan ra, heme qehreman û serokanî Kurdîstanî varardê xo akerd û hê uca to pawenî!

Dr. Seîd Çurukkaya Almanya de nexweşxaneyî Koblenzî de ravistebi.

Her kes paweyî yew xeberê xeyrî bi.

La çi heyf û mixabin, goreyê birayî ey Mehmet Selîm Curukkayayî, vizêr şew qelbî Dr. Seîd Curukkayayî vinderto. Yanî Dr. Seîd Curukkayayî wefat kerdo! O,bîyo şehîd!

Ewro, miletê Kurdan yewna ewladî xo yo qehreman û ganfîda vînî kerdo!

Ewro, asmênî Kurdîstanî ra yewna astare qerfîyayo!

Ewro, mîyanî refî şerwananî miletê Kurdî ra yewna şerwano mumtaz û namdar şehît bîyo!

Ewro, qelbê heme embaz, dost û heskerdoxanî ey vinderto!

Ewro, mezgê embaz, dost û heskerdoxanî ey hemin cemidîyayo!

Wa sareyî miletê ma weş bo!

Wa sareyî keyeyî ey weş bo!

Wa sareyî heme dost, embaz û heskerdoxanî ey weş bo!

Wa sareyî heme Peşmergan weş bo!

Wa sareyî Kurd û Kurdîstanî weş bo!

Homa sebir û metanet bido!

Ey ganfîdayê miletê xo!

Ey komutano qehreman!

Ey embazo delal!

Ey hemşehrî mino Kird (Zaza) o Çewlîgij!

Ey Dr. Seîd Çurukkaya!

Rayîrî to rayîro heq û rast bi. Vate û kerdeyî to yew bî. Tu mucadeleyî xo wext û cayo rast de da. Ti bi fikr û xebatê xo yew nimûne bî. To semedê Kurdîstanê xoserî rayîro rast nîşan da. Ney ra ti bî şehîdî heme Kurdîstanî!

Ney rind bieşnaw û rind bizan:

Ewro, çar parçe Kurdîstan ra heme dost û embazî to,

Ewro, çar parçe Kurdîstan ra heme peşmerge û welatperwerî,

Ewro, çar parçe Kurdîstan ra heme heskerdoxî to:

Heme hê şîn û huznê to genî û wazenî pê yew rûmeto pîl to rayîr finî.

La reyna zî rind bizan ke:

Bakur, Başur, Rojhilat û Rojawan ra; yanî çar parçe Kurdîstan ra, heme qehreman û serokanî Kurdîstanî varardê xo akerd û hê uca to pawenî! Çar parçe Kurdîstan ra, çi Peşmerge û çi Gerîla, kam partî û rêxistin ra benî wa bibî heme şehîdê Kurd û Kurdîstanî pê yew keyf û şahî ya hê uca to pawenî!

Oxir bo to rê Dr. Seîd Çurukkaya!

Oxir bo to rê ganfîdayê Kurd û Kurdîstanî!

Oxir bo to rê şehîdê Kurd û Kurdîstanî!

Oxirî xeyrî bo to rê dezayê mino delal!

Cayî to Cenet bo, wa Homa to rê nûr bivarno!

30.10.2016 

Mehmet Selîm Uzun

netewe.com

 

Ev nûçe 1420 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din