Tirkiyeyê sînorê Başûrê Kurdistanê bombebaran kir: 4 şehîd

Tirkiyeyê sînorê Başûrê Kurdistanê bombebaran kir: 4 şehîd

Firokeyên şer ên Tirkiyê devera Balekayetî ya li sînorê qezaya Çomanê bombebaran kirin û di encamê de 4 welatiyên Kurd şehîd bûn

A+A-

Li gor Rûdawê , sibehiya îro Pênşemî 22ê Adara 2018ê, firokeyên şer ên Artêşa Tirkiyê, sînorê Başûrê Kurdistanê bombebaran kirin.

 

Hate gotin, firokeyên Tirkiyê gundên Mawnan, Wesan û Serkaniyan li devera Balekayetî ya ser bi qezaya Çomanê bi giranî bombebaran kirine.

 

Li gorî zanyariyan, di encama bombebarana firokeyên Tirkiyê de 4 welatiyên sivîl canê xwe ji dest dane.

 

Herwiha ji ber bombebaranan, çend baregehên Partiya Karkerên Kurdistanê (PKK) jî wêran bûne.

 

Tirkiye bi hinceta hebûna binke û baregehên PKKê li deverên sînorî yên Başûrê Kurdistanê, gelek caran wan deveran bombebaran dike.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin