Tirkîye li Efrînê bircên telefonê hildiweşîne

Tirkîye li Efrînê bircên telefonê hildiweşîne

Jinavbirina bircên herdu kompanyayên telefonên destî yên Sûriyê li herêma Efrînê ya Rojavayê Kurdistanê bûye cihê nerazîbûna niştecihên vê herêmê.

A+A-

Li gor çavkaniyeke taybet ji nav bajarê Efrînê, bircên kompaniyên telefonên destî yên Sûrî, MTN Syria û Syriatel li herêma Efrînê ji aliyê desthilata ser bi Tirkiyê û opozisyona Sûriyê ve hatine jinavbirin û niha tenê hêlên kompanyayên telefonî yên Tirkiyê li herêmê çalak in.

Wê çavkaniyê ragihand, jinavbirina bircên telefonan li herêmê bûye sedema qutbûna xizmeta telefonên Sûrî.

Heman çavkaniyê da zanîn ku ev yek bûye cihê nerazîbûna niştecihên herêmê yên resen û herwiha erebên ku ji deverên din ên Sûriyê li Efrînê hatine bicihkirin.

Li gor heman çavkaniyê, bikaranîn hêlên Tirkî ji bo pêwendiyên telefonî pir buha ye û lewma êdî pir zehmet e niştecihên herêmê pêwendiyê bi kesûkarên xwe li deverên din ên Sûriyê bikin.

Roja pêncşema bihorî, grûpên çekdar li herêma Efrînê ya Rojavayê Kurdistanê bircên herdu kompanyayên telefonên destî yên Sûrî MTN Syria û Syriatel jinav birin.

 

Ev nûçe 65 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin