• Diyarbakır 29 °C
  • Batman 26 °C
  • Hakkari 19 °C
  • Şırnak 25 °C
  • Ağrı 18 °C

Tillerson: Em ji Sûriyê dernakevin

Tillerson: Em ji Sûriyê dernakevin
Wezîrê Karên Derve yê Amerîkayê Rex Tillerson got, “Hebûna me ya dîplomatîk û leşkerî li Sûriyê girîng e. Heta DAIŞ li Sûriyê bi temamî neyê tunekirin û têkbirin, em ê hebûna xwe ya leşkerî bidomînin.”

Li gor nûçeya CNNê Tillerson li dezgeha ramyarî ya Zanîngeha Stanford, Enstîtuya Hooverê axivî.

Tillerson di axaftina xwe de got, "Em şaşiya ku me li 2011an li Iraqê kir, vê carê li Sûriyê nakin. Em ê destûrê nedin, rêxistinên terorê yên wekî DAIŞê cih ji xwe re bibînin. Ji bo Sûriyeyeke aram, yekgirtî û serbixweyî, pêwîst e di pêvajoya Cenevê de, rêveberiya piştî Esad bê pêkanîn."

Wezîrê Amerîkayê derbarê nerazîbûnên Tirkiyê yên ji bo hevkariya wan a bi HSDê re jî got ku ew ji fikarên Tirkiyê têdigihin û wiha domand: "Em alîkariyên mirovî yên Tirkiyê ku li Sûriyeyê kirine dizanin. Di avakirina pêşeroja Sûriyê de jî pêdiviya me bi Tirkiyê heye."

Ev nûçe 498 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din