Serokê Giştî yê PAKê Mustafa Özçelik, Serokê Giştî yê PSKyê Mesut Tek, namzetên serbixwe yên Tifaqa Welatperwer û Demokrat yên Amedê Sait Aydoğmuş, Ramazan Kahramaner, Zeki Ekinci, Hidayet Fidan, gelek sîyasetvanên Kurdistanî, rêvebir, endam û alîgirên PAK û PSKyê, bi beşdarîyeke baş beşdarî vekirina buroya Tifaqa Welatperwer û Demokrat a Yenîşehîr a Amedê kirin.Gelek TV û dezgehên ragehandinê jî beşdarî vekirina buroyê bûn.

Berîya vekirina buroyê Cîhgirê Serokê Giştî yê PSKyê Celal Yıldız kurte axaftinek kir û axaftvan teqdîm kir.

Serokê Giştî yê PSKyê Mesut Tek, Serokê Giştî yê PAKê Mustafa Özçelik, namzetên serbixwe yên Tifaqa Welatperwer û Demokrat yê bajarê Mezin ê Amedê Sait Aydoğmuş û namzedê Yenîşehîrê Ramazan Kahramaner, di derbarê armanc, girîngî û rola Tifaqa Welatperwer û Demokrat de axaftin.

Piştî axaftinan, Serokê Giştî yê PAKê Mustafa Özçelik, Cîhgirê Serokê Giştî yê PSKyê Bayram Bozyel, namzetên serbixwe yên Tifaqa Welatperwer û Demokrat yên Amedê Sait Aydoğmuş, Ramazan Kahramaner, pêkve qurdele birîn û buro vekirin.

Piştî vekirina buroyê namzedên Tifaqa Welatperwer û Demokrat yên Amedê li gel rêvebir û endamên PAK û PSKyê li gereka Ofîsê belavoka Tifaqa Welatperwer û Demokrat li dikandaran û li esnaf û gelê Amedê yên li Bazara Heftane de belav kirin. Gel û esnafan pêşewazîyeke germ li namzedên Tifaqa Welatperwer û Demokrat kirin.