Namzetên serbixwe yên Tifaqa Welatperwer û Demokrat ên Mêrdînê û Qoserê Abdulkadîr Demîr û Şeyhmûs Ünal, îro (16.03.2019) li Dêrik û Şemirx (Mazidag) ên navçeyên Mêrdînê li gel Serokê Giştî yê PSKyê Mesut Tek, endamên Komîsyona Hilbijartinê ya Tifaqa Welatperwer û Demokrat a Mêrdînê û rêvebir û endamên PAK û PSKyê û hinek sîyasetmedarên Kurd , belavoka hilbijartinê ya Tifaqa Welatperwer û Demokrat li dikandaran û xelkê belav kirin. Di dema belav kirina belavokan de, ji otomobîla hilbijartinê ya Tifaqa Welatperwer û Demokrat jî marş û stranên Kurdî li nav bajaran de belav dibûn. Gel û esnafên Dêrikê û Şemirxê pêşewazîyeke germ nîşanî namzetên serbixwe yên Tifaqa Welatperwer û Demokrat dan.

Gava ku heyeta Tifaqa Welatperwer û Demokrat ji Dêrikê ber bi Şemirxê ve bir ê ket, di rê de polîsan heyet ji ber stranên Kurdî rawestandin. Heyeta Tifaqa Welatperwer û Demokrat îtîrazî polîsan kirin û gotin Kurdî ne qedexe ye û ev xebata hilbijartinê ye, mafê polisan tune ye ku astengîyan ji wan re derxînin. Piştî demekê ku polîs bi Emnîyeta Dêrikê şêwirîn, rê dan ku heyet ji Dêrikê derkevin.