• Diyarbakır 14 °C
  • Batman 17 °C
  • Hakkari 12 °C
  • Şırnak 16 °C
  • Ağrı 11 °C

The New York Times: Amerîka penaberî neda birêvebirê Incirlikê

The New York Times: Amerîka penaberî neda birêvebirê Incirlikê
Birêvebirê binkeya ezmanî ya Incirlikê General Bekir Ercan Van daxwaza penaberiyê li Amerîkayê kiriye

 

Rojnameya The New York Times ragihand ku birêvebirê binkeya ezmanî ya Incirlikê General Bekir Ercan Van daxwaza penaberiyê li Amerîkayê ji rayedarên amerîkî li Incirlikê kiriye, lê ev daxwaza wî nehatiye pejirandin.

Piştre Ercan Van li gel deh efserên din yên pile nizimtir ji aliyê hêzên ewlekariya hukumetê ve li heman cihî hatine girtin bi tawana beşdarbûnê di kudetaya têkçûyî de ku evara 15. Temmûzê li Tirkiyê rû da.

Heta niha, bêhtir ji 6000 tawanbar ji rêzên artêş û dadweriyê ku, di nav wan de çend general û endamên dadgeha destûrê hene, hatine girtin.

Wezareta navxwe ya Tirkiyê destnîşan kir ku 8777 karmendên xwe ji kar dûr xistine. Di nav kesên ku ji kar hatine avêtin 614 efserên jendarma, 30 parêzger (walî) û 47 qayimeqam hene.   

Ev nûçe 524 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din