Parlamenterê CHP Sezgîn Tanrikulu vano; Eke hemkarî nêbo, beno ke hukmatê AKP dest rono beledîyeyanê Îstanbul û Anqara ser o zî.

Parlamenterê CHP Sezgîn Tanrikuluyî vera tayînkerdişê qeyûman reaksiyon nîşan da û va: Eke ma pîya mebe, beno ke beledîyeyanê Anqara û Îstanbûlî rê zî qeyûmî bêrê dayînkerdiş.

Tanrikuluyî wina va: Bi destronayîşê beledîyeyanê Amed, wan û Mêrdînî hukmat Kurdan ra vano: Ma îradeyê şima nas nêkenê. Derbe tena bi tang û topan nêno kerdene. Eke ti dest ronê îradeyê şarî ser o zî derbeyêk o. no zî derbeyo sîyasî yo. AKP îradeyê Kurdan qebûl nêkena.

Wezaretîya Karanê Zereyî ya Tirkîya vizêr hîrê beledîyeyanê HDP rê qeyûmî tayîn kerdbî. 2 serekê beledîyeyanê Amedî, Wanî û Mêrdînî wezîfe ra ameybî girewtiş û walîyê ê wîlayetan tayînê beledîyeyan bibî.