Sîyasetmedarê Kurd Fuad Onen hat desteserkirin

Sîyasetmedarê Kurd Fuad Onen hat desteserkirin

Sîyasetmedar û nivîskarê Kurd Fuad Onen, li Stenbolê hat desteserkirin.

A+A-

Navenda Nûçeyan- Li gor zanyarîyên berdest, sîyasetmedar û nivîskarê Kurd Fuad Onen, li Stenbolê ji alîyê hêzên polîs ve hat desteserkirin.

Her li gor zanyarîyên rojnamevan Mehmet Sanri, ew sîyasetmedarê Kurd ji ber nêrîn û parvekirinên xwe yên derbarê komkujîya Roboskîyê û êrişa Tirkîyê ya li dijî Rojavayê Kurdistanê, li ser medya civakî, bi tohmeta ku ‘propagandaya rêxistinê’ kirîye, hatîye desteserkirin.

Ev di demekê de ye 32emîn Dadgeha Cezayê Giran a Stenbolê, par bi tohmeta ku ‘propagandaya KCKê’ kirîye 3 sal û mehek cezayê zîndanê li Fuad Onen birîbû.

Ew sîyasetmedarê Kurd derbarê biryara dadgehê de ji Rûdawê re ragihandibû ku ji ber, “parvekirinên derbarê komkujîya Roboskîyê, komkujîya Parîsê, nivîsên li ser yekîtîya netewî, parastina bo Kurdistana serbixwe û belavkirina ala Kurdistanê li ser medya civakî” dadgehê ew ceza lê birîye.

 

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin