Sîpan Hemo: Rûsyayê xiyanet li kurdan kir!
Fermandarê Giştî yê YPGê Sîpan Hemo di daxuyaniyekê de ji rojnameya Şerq el-Ewset re got: “Rûsya neheqî û xiyanet li Kurdên Sûriyê kiriye û rê daye Tirkiyê ku operasyonê bîne ser Efrînê.”
A+A-
Di hevpeyvîna ligel rojnameya navborî de, Sîpan Hemo dide zanîn ku hikûmeta Sûriyê ji YPGê re ragihandiye ku Rûsya nihiştiye artêşa Sûriyê bersiva êrîşa Tirkiyê bide û herwiha nehiştiye ku hikûmeta Sûriyê alîkariyê jî bide YPGê.
Hemo dibêje ku wî berî 3 rojan seredana Moskowê kiriye û li gel Serokerkanê Rûsya û berpirsên îstixbarata wî welatî civiyaye.
Sîpan Hemo got, Serokerkanê Rûsyayê ji wî re gotiye ku mafê Tirkiyê ye berevaniyê li ewlekariya sînorê xwe bike û ew agahdar kirine ku Rûsya serbazên xwe ji Efrînê vedikişîne.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin