Serokê Giştî yê PAKê Mustafa Özçelik, li gel heyeta PAKê roja 27.09.2017an li Hewlêrê serdana YNK(Yekitî Niştimanîya Kurdistanê) û YEKGIRTÛ(Yekgirtû  Îslamî ya Kurdistanê) kir.

Heyeta PAK'ê aliyê Endamê YNK'ê Sadi Ahmed Pire ve hate pêşwazî kirin.

Di vê hevdîtinê de, herdu alîyan referandûmê û encamên wê yên erênî de, di derbarê girîngîya  serxwebûna  Başûrê Kurdistanê de bîr  û rayên xwe yên hevbeş anîn ziman. Herweha herdu alîyan jî  bal kişandin ser girîngî û pêwîstîya  pêşde birina peywendîyên PAK û YNKyê. Di vê hevdîtinê de di derbarê rewşa Başûr û Bakurê Kurdistanê, siyaseta dewletên herêmê û yên weke Emerîka, dewletên Ewrûpa û yên din ku li Rojhilata Navîn de roleke mezin  dilihîzin de bîr û rayên xwe bilêv kirin.

Her wiha piştî hevdîtinan civînek çapemeniyê hat lidarxistin. Di civîna çapemenîyê de, Rêzdar Mustafa Özçelik got ‘’Em weke PAK ji bo piştgirî û çavdêrîya referandûmê nuha Başûrê Kurdistanê ne. Me  ji roja ewil de bêyî qeyd û şerd  ji referandûme re jî, ji serxwebûnê re jî got ‘Belê’.Referandûm li hiber hemû zextên navxweyî û yên derveyî berxwedanek bû.Encamên referandûmê serhildaneke, ronesansa hemû Kurd û Kurdistanîyan e.Em gelê xwe yê Başûrê Kurdistanê ji ber beşdarîya wan ya zêde û ji ber ‘erê’ya ji % 90î zêdedir pîroz dikin. Êdî ji serxwebûnê veger tune ye’’. Her wiha Mustafa Özçelik got em ê serdana  partîyên din yên Başûrê Kurdistanê jî bikin.

Sadi Ahmed Pire jî got ‘’Emê peywendîyên xwe li gel PAK'ê geştir bikin.Em piştgirîya yekrêzîya hemû partî û alîyên Bakurê Kurdistanê dikin’’ û di derbarê referandûmê,serxwebûnê, helwesta Tirkîyeyê û Iraqê û dewletên cîhanê de bîr û rayên xwe anî ziman.

Her wiha piştî seredana YNK'ê, heyeta PAK'ê seredana YEKGIRTÛ kir.

Serokê Encumena Sîyasî ya Yekgirtû Dr. Hadî Elî, Endam û Kargerê  Encûmena Rêveber Rêzdar  M. Xelîl Îbrehîm, Berpirsê Dezgehê Peywendîyan Rêzdar Seyîd Nesreddîn û Endamên Dezgehê Peywendîyan Meqdîd Sedîq û Ferhan Esed, pêşwazîya heyeta PAK'ê kirin.

Mustafa Özçelik, ji bo vê pêşwazîyê û herweha ji bo ku heyeteke Yekgirtû beşdarî  komxebata PAKê ya li Amedê bibû, spasîyên xwe pêşkêş kir.

Mustafa Özçelik,ji ber sîyaset û helwesta netewî û dîrokî ya Yekgirtû yê ya di derbarê referandûmê de  jî  spasî û pîrozbahîya hemû rêveber û endamên Yekgirtû yê kir.

Dr. Hadî Elî, di derbarê prosesa referandûmê û di derbarê vekirina Parlamentoya Kurdistanê û biryara Encumena Parêzgeha Kerkûkê de helwesta Yekgirtû de agahdarî da. Herweha behsa girîngîya referandûmê û serxwebûnê ya ji bo gelê Kurdistanê  kir.

Her wiha heman rojê heyeta PAK'ê  Serdana PSDK û KOMALA jî kir

Heyeta PAKê li Kerkûkê ji alîyê Serokê PSDK'ê Heme Hacî Mehmûd û beşek endamên Mekteb Sîyasî û Komîteya Navendî û pêşmergeyên di cepheya şerî de ne hate pêşwazî kirin.

Di vê hevdîtinê de, herdu alîyan di derbarê referandûmê û encamên wê yên erênî de, di derbarê girîngîya  serxwebûna  Başûrê Kurdistanê de bîr  û rayên xwe yên hevbeş anîn ziman. Herweha herdu alîyan jî  bal kişandin ser girîngî û pêwîstîya  pêşde birina peywendîyên PAK û PSDKê. Di vê hevdîtinê de di derbarê rewşa Başûr û Bakurê Kurdistanê, siyaseta dewletên herêmê û yên weke Emerîka, dewletên Ewrûpa û yên din ku li Rojhilata Navîn de roleke mezin  dilihîzin de bîr û rayên xwe bilêv kirin.

Mustafa Özçelik bi taybetî, rol û helwesta Heme Hacî Mehmûd ya di doza azadîya Kurdistanê, di şerê li dijî DAIŞê û di xebata referandûmê de pîroz kir, berz nirxand.

PAKê roja 28.09.2019an li Silêmanîyê seredana KOMALA kirin .

Abdullah Muhtedî jî , piştgirîya xwe ji bo referandûmê û serxwebûna başûrê Kurdistanê de anî ziman.Herweha di derbarê rewşa Rojhilatê Kurdistanê, sîyaseta rejîma îranê, peywendîyên partîyên Rojhilatê Kurdistanê de agahdrî da, bîr û rayên xwe anî ziman.