• Diyarbakır 5 °C
  • Batman 7 °C
  • Hakkari -3 °C
  • Şırnak 2 °C
  • Ağrı -8 °C

Serokê Giştî yê PAKê Mustafa Özçelik ji bo hilbijartinên herêmî li Mûşê bû

Serokê Giştî yê PAKê Mustafa Özçelik ji bo hilbijartinên herêmî li Mûşê bû
Serokê Giştî yê PAKê Mustafa Özçelik, Cîhgirê Serokê Giştî yê PAKê Nurullah Timur, Endamê Komîteya Birevebir a Navendî ya PAKê Mustafa Kalhan ji bo amadekarîyên hilbijartinên herêmî, li Mûşe li gel rêvebir û endamên PAKê civînek li dar xistin.

Serokê Giştî yê PAKê Mustafa Özçelik, Cîhgirê Serokê Giştî yê PAKê Nurullah Timur, Endamê Komîteya Birevebir a Navendî ya PAKê Mustafa Kalhan roja 18.01.2019an ji bo amadekarîyên hilbijartinên herêmî yên 31.03.2019an, li Mûşe li gel rêvebir û endamên PAKê civînek li dar xistin.

Mustafa Özçelik di derbarê xebatên giştî yên Tifaqa Welatperwer û Demokrat yên ji bo hilbijartinên herêmî de agahdarî dan rêvebir û endamên PAKê.

Di vê civînê de rê û îmkanên beşdarîya hilbijartinên herêmî yên 31.03.2019an hate nirxandin. Bi rayeke giştî, li Mûşê û li hinek navçeyên Mûşê, pêwîstî û potansîyeleke berbiçav ya ji bo beşdarîya hilbijartinên herêmî hate tesbît kirin.

Di encama nirxandinên berfireh, pêwîstîya ava kirina Komîsyoneke herêmî li Mûşê, ya ji bo hilbijartinên herêmî derkete pêş. Di demeke kurt de ji bo Komîsyona Mûşê ya Tifaqa Welatperwer û Demokrat bê ava kirin dê li gel kesayet û rewşenbîr û sîyasetvanên Muşê xebat bêne dest pê kirin.

Di civîne de ji bo bernameya xebatê pêşniyarî hatin pêşkêş kirin.

Herweha ji bo tesbît kirina namzedên serbixwe yên Mûşê û navçeyên Mûşê jî dê di demeke kurt de encam bê wergirtin.

mus2.jpg

Ev nûçe 292 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din