Serokê Giştî yê PAKê li Parîsê Seredana Partî û Dezgehên Kurdan kir

Serokê Giştî yê PAKê li Parîsê Seredana Partî û Dezgehên Kurdan kir

Serokê Giştî yê PAKê Mustafa Ozçelîk li gel heyeteke PAKê, li Parîsê seredana Enstîtuya Kurd li Parîsê, Nûnertîya Hikûmeta Herêma Kurdistanê û PDK-Îranê kir.

A+A-

pak-pdki_paris.jpgpak-hhk_paris.jpgpak-enstitu_paris.jpg

 

Serokê Giştî yê PAKê Mustafa Ozçelîk li gel heyeteke PAKê, li Parîsê seredana Enstîtuya Kurd li Parîsê, Nûnertîya Hikûmeta Herêma Kurdistanê û PDK-Îranê kir.

Mustafa Ozçelîk roja 03.10.2016an li gel endamê nûneratîya PAKê yê Fransayê Şêxmûs Dîp, seredana rêzdar Kendal Nezan ê Serokê Enstîtuya Kurd Li Parîsê kir.

Roja 04.10.2016an heyeta PAKê ku ji Serokê Giştî Mustafa Ozçelîk, Endamên nûneratîya Fansayê Şêxmûs Dîp, Faysal Taşkiran û Yakûp Karademîr pêk hatî, seredana rêzdar Alî Dolamarî yê Nûnerê Hikûmeta Herêma Kurdistanê li Fransayê kirin.

Herweha roja 04.10.2016an Serokê Giştî Mustafa Ozçelîk, endamên nûneratîya Fransayê Şêxmûs Dîp û Yakûp Karademîr seredana Buroya PDK-Îranê ya li Parîsê kirin. Berpirsyarê Derveyî Welat yê PDK-Îranê rêzdar Şaho Hoseynî û Berpirsyarê Fransayê rêzdar Xosro Abdulahî pêşewazîya heyeta PAKê kirin.

Di seredanên li dezgeh û partîyan Kurdan de, Mustafa Ozçelîk spasîya xwe ji bo pêşewazîya wan anî zimanî. Herweha di derbarê xebatên PAKê, rewşa bakurê Kurdistanê de agahdarî da. Û bîr û rayên xwe di derbarê rêyên çareserîyên pirsgirêkên perçeyên din yên Kurdistanê de pêşkêş kir.

Rêzdar Kendal Nezan jibo vê seredanê spasîya heyeta PAKê kir û di derbarê xebatên Enstîtuya Kurd de agahdarî da û li ser rewşa her çar perçeyên Kurdistanê fikrên xwe bilêv kir.

Rêzdar Alî Dolamarî yê Nûnerê Hikûmeta Herêma Kurdistanê li Fransayê pêşewazîyeke germ li Serokê Giştî yê PAKê û heyeta li gel kir. Rêzdar Alî Dolamarî di derbarê xebatên xwe yên li Fransayê û di di derbarê rewşa başûrê Kurdistanê de agahdarîyên berfireh dane heyeta PAKê. Herweha encamên seredanên Serokê Herêma Kurdistanê rêzdar Mesûd Barzanî yên Fransayê û Bexdayê de agahdarîyên hêvîdar pêşkêş kir.

Berpirsyarê Derveyî Welat yê PDK-Îranê rêzdar Şaho Hoseynî û Berpirsyarê Fransayê rêzdar Xosro Abdulahî jî bi dilgermî û dostane pêşewazîya heyeta PAKê kirin. Û di derbarê xebatên PDK-îranê yên li Rojhilatê Kurdistan de heyeta PAKê agahdar kirin. Herweha di derbarê peywendîyên partîên Kurdan yên li Rojhilatê Kurdistanê û rewşa giştî de jî agahdarî dan.

Seredana Serokê Giştî yê PAKê Mustafa Ozçelîk û heyeta PAKê ya li dezgeh û partîyên Kurdan di warê geş kirin û pêşde birina peywendîyên PAKê û alîyên peywendîdar de roleke girîng lihîst.
 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin