Serokatiya Parlementoya Kurdistanê sala nû li xelkê Kurdistanê pîroz kir

Serokatiya Parlementoya Kurdistanê sala nû li xelkê Kurdistanê pîroz kir

.

A+A-

Serokatiya Parlamentoya Kurdistanê sersala nû pîroz kir û ragihand: “Em ji hemû hêz û aliyên siyasî daxwaz dikin, bi yekrêzî û ruhê lêborînê ligel hev tevbigerin.”

Serokatiya Parlamentoya Kurdistanê bi helkefta sala nû ya zayînî peyamek belav kir. Di peyamê de tê gotin: “Bi boneya hatina sersala nû ya zayînî, em pîrozbahiyên herî ciwan li Kurdistaniyan û li hemû gelên Iraq û cîhanê dikin.”

Parlamentoya Kurdistanê diyar dike: “Em hêviya saleke nû ya gelek aram û bextewar ji bo her kesî dixwazin, em xwazyar in sala nû destpêkeke geş bibe ji bo başkirina debara xelkê û çespandina mafên welatiyan û bihêzkirina saziyên niştimanî, ku ji bo pêkatina wan, xelkê Kurdistanê gelek qurbanî dane.”

Herwiha destnîşan dike: “Em li vir ji hemû hêz û aliyên siyasî daxwaz dikin ku bi yekrêzî û ruhê lêborînê ligel hev tevbigerin û em hemû zemîna desteberkirina maf û heqên destûrî yên Kurdistaniyan pêk bînin.”

Di dawiya peyama pîrozbahiyê de hat eşkerekirin: “Em hêvîdar in sala 2022yan bibe destpêka rawestgeheke nû ji bo zêdetir bi hev re xebat ji bo siberojeke baştir û vejîna zêdetir a welat û bidawîbûna hemû nexweşî û nebaşiyan, herwiha em hemû hewl bidin ku Kurdistanê bikin xwedî destûrek ku maf û erkê hemû aluyan diyar bike û bibe sedemek ji bo bihêztirbûna statuya Herêma Kurdistanê.”

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin