Serok Barzanî sersaxî li malbata Jîna Emînî kir

Serok Barzanî sersaxî li malbata Jîna Emînî kir

.

A+A-

Serok Mesûd Barzanî di pêwendiyeke telefonî de bi malbata Jîna Emînî re, sersaxî li malbata wan kir û hevxemiya xwe nîşan da.

Baregeha Barzanî di daxuyaniyekê de ragihand, “Serok Mesûd Barzanî îro 19ê Îlona 2022an bi riya telefonê pêwendî bi malbata Jîna Emînî re kir û hevxemiya ji bo canjidestdana Jîna Emînî pê ragihand û hêviya sebir û aramiyê û cibicîbûna dadweriyê ji wan re xwast.”

Jîna Emînî (Mehsa Emînî) keçeke Kurd a 22 salî bû, roja 13ê Îlona 2022an bi birayê xwe re ji bajarê Seqizê serdana Tehranê kiribû û ji ber ku hîcaba xwe bi awayekî rêkûpêk girê nedaye ji aliyê polîsan ve hate binçavkirin û piştî du demjimêran ji bo nexweşxaneyê hat birin û roja 16ê mehê li nexweşxaneyê canê xwe ji dest da.

Malbata Jîna û çalakvanên Rojhilatê Kurdistanê dibêjin, Jîna di bin eşkenceyê de hatiye kuştin. Lê polîs jî dibêje, Jîna ji ber celteya dil canê xwe ji dest daye.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin