• Diyarbakır 23 °C
  • Batman 21 °C
  • Hakkari 11 °C
  • Şırnak 18 °C
  • Ağrı 12 °C

Serok Barzanî di derbarê vekirina balafirgehan de peyam da

Serok Barzanî di derbarê vekirina balafirgehan de peyam da
Serok Barzanî di derbarê rakirina qedexeyê li ser balafirgehên Herêma Kurdistanê de li ser tora civakî nivîsî û got rakirina qedexeya li ser firokxaneyan gaveke baş e, lê pirsgirêkên di navbera Hewlêr û Bexdayê de ne tenê yên balafirgeh û mûçeyan in.

Serok Barzanî amaje bi wê jî kir, pirsgirêkên di navbera Hewlêr û Bexdayê de dîrokî, siyasî, netewî, mirovî, aborî û destûrî ne.

Duh Serokwezîrê Iraqê Heyder Ebadî piştî civîna ligel wezîrên navxwe yên Iraq û Herêma Kurdistanê, bi amadebûna tevahiya efserên passport û nîşingehê li Iraq û Herêma Kurdistanê biryar da balafirgehên Herêma Kurdistanê li pêş geştên navdewletî werin vekirin.

Piştre jî, Serokwezîrê Herêma Kurdistanê Nêçîrvan Barzanî pêşwazî li vê gava vekirina firokxaneyan kir û hêvî xwast tevahiya pirsgirêkên din jî bêne çareserkirin.

Hihûmeta Iraqê roja 29 Îlona 2017an wek cezadanekê li ser encamdana referandûma serxwebûna Kurdistanê, geşta navdewletî li balafirgehên Herêma Kurdistanê ragirt û çendîn cezayên din jî li ser Herêma Kurdistanê sepand.

 

Ev nûçe 531 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din