• Diyarbakır 24 °C
  • Batman 23 °C
  • Hakkari 11 °C
  • Şırnak 19 °C
  • Ağrı 13 °C

Şerm bikin şerm

Şerm bikin şerm
Beyar Robarî

Şerm bikin şerm .. şerm

Şermek mezin û kûr û germ

Ey kurdên daxivnî bizimanên serem

Erebî, Tirkî û Farîsî herdem

Û xwedî dikin zarokên xwe bi wan hem

  **

Şerm bikin şermek mezin û giran

Û bi tijî hestên dilan

Dema hûn daxivin bizimanên dijminan

Bi axiftina we re reş dibe rûyê cîhan

Û digirîn çiya û stêr û ezman

Berî hûn baxivin bi van zimanan

Bijmirin ta dehan lo heyran

Wendakirina ziman xwe firotina erzan

 **

Şerm bikin şermek mêran

Dema hûn daxivin kurdino bi dîlê neyaran

Û dest bernedin ji Zimanê Kurdî zimanê Yazdan

Dilê min ji we bi êş û kovan

Min melyon carek got û her dibêjim dilovan

Dest bernedin ji nasnama xwe ev zimanê ciwan

 **

Şerm bikin şermek bişewat

Jiber we ve fedîdikin kurdino kevir û lat

Ev zimanê xweşik û dewlemend

Bi destê Xwedê hat hûnandin û pêkt

Û ji ezmanê jorîn de ji me re dahat

Û pê xemilî Navîna Rojhilat

Çawa tu dest jê berdidî lo nav Xebat .. Xebat?

12 - 2017

Ev nûçe 5870 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din