Serekê PAKî Mustafa Özçelik roja 18.07.2021 Hetkarê  Serekê Pêroyî yê PAKî Vahit Aba, Sereka Komîsyona Cinîyan a PAKî Nezîhe Karahan û endamê Meclîsa PAKî Şerif Karakurt reyde Teşkîlatê PAKî yê Mêrdînî zîyaret kerd.

Serekê Teşkîlatê Mêrdînî yê PAKî Bedran Acar û rayber û endamê PAKî amey heyeta PAKî vera.

Her çiqas zî rewşa pandemî, germîya hamnanî û zaf kesî teberê şaristanî de bî zî, xeylê endamê PAKî, Sereka Teşkîlatê Mêrdînî yê PSKyî Salihê Omerî,  mesulê PDKSyî Mahmud Remo û heyetêka ENKSyî û xeylê welatperwerê Kurd yê Mêrdînî zî beşdarê kombîyayîşî bîy.

Destpêkê kombîyayîşî de Serekê Teşkîlatê Mêrdînî yê PAKî Bedran Acarî qalîkerdişêk kerd û semedê hevalê ma remetî kek Feyyaz Ekmenî û heme şehîdanê Kurdistanî deqîqeyêk rêz ame girewtene.

Bedran Acarî,  derheqê babetê kombîyayîşî de zanayîş da û badê cû Serekê Pêroyî yê PAKî Mustafa Özçelik dest bi qalîkerdişî kerd.

Mustafa Özçelikî bi taybetî rewşa sîyasî ya Bakurê Kurdistanî û ya her hîrê perçeyanê Kurdistanî û Tirkîya de ser o qisey kerd, vîr û bawerî û sîyasetê PAKî ard ziwan, derheqê xebatanê PAKî de zanayîş da.

Qalîkerdişê Mustafa Özçelikî dima, beşdarê kombîyayîşî persê xo persay, fikir û pêşniyazê xo pêşkêş kerdî.

Kombîyayîş bi hawayekî berhemdar  qedîya.

Buroya Çapemenî û Têkilîye ya PAKî