Şerê Ûkrayna: Hêzê Rûsya kewtê mîyanê Kîev

Şerê Ûkrayna: Hêzê Rûsya kewtê mîyanê Kîev

.

A+A-

Dima ke Serekê dewleta Rûsya Viladimir Putinî vera Ukrayna operasyono leşkerî da destpêkerdene, artêşa Rûsya kewt mîyanê Kievî.

Fermanê operasyonê vera Ukrayna 24ê sibate de ame dayene. Artêşa Rûsya pare kerd ke 11 warê hewayî zî tede 74 tesîsê leşkerî û 18 sîstemê radarê hewayî îmha kerdî.

Serekkomarê Ukrayna Volodimir Zelenskiyî îfade kerd ke tewr tay 137 kesî merdî, 316 kesî birîndar bîyî û artêşa xo ra waşt ke wa derbanê giranan bida hêzanê Rûsya ro.

Amerîka, NATO, Yewîya Ewropa, G7, Almanya, Fransa, Brîtanya û Japonya operasyono leşkerî şermezar kerd. Çînî zî vat 'Ê heq danê qesawetê Rûsya.'

Serekkomarê Ukrayna Volodimir Zelenskiyî da zanayene ke emşo Rûsya Kiel de da waranê sivîlan ro û vat: ''Hêrişê nazîyan ê 1947î ame vîrê mi.''

Çimeyanê leşkerîyan ê welatanê rojawanî (Ewropa) zî ard ziwan ke artêşa Rûsya nêzdîyê Kievî bîyo û armancê ci oyo ke hukmatêko ke terefgîrê Rûsya yo awan bikera.

Hetkarê Wezîrê Karanê Zereyî Anton Geraçenkoyî vat: ''Bi fuzeyanê balîstîkan hêrişê Kievî yeno kerdene. Vengê di teqayîşanê pîlan ame.''

Goreyê Ajansê APî şefê Pentagonî Lloydî Austinî pare kerdo ke yewinê Rûsya 32 kîlometreyan Kievî ra dûrî yê.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin