Şehîdbîyayîşê General Dr. Silêmanî ser ra 4 serrî vîyartî

Şehîdbîyayîşê General Dr. Silêmanî ser ra 4 serrî vîyartî

.

A+A-

4 serrî verê cû ewro Fermandarê Hêzê Pêşmergeyanê Agirî General Dr. Silêman û Pêşmergeyê PDKIyî Resûl Mihemedzade operasyona Mûsilî de şehîd bibî.

Hêrişanê rêxistina terorîstî ya DAIŞî ê Tebaxa 2014 ra dima  fermandarê PKKyî yo verîn Sait Çürükkaya (Dr. Silêman) zî Almanya ra verê xo dabi Başûrê Kurdistanî û pa hevalanê xo “Hêzê Agirî” yê Pêşmergeyan awan kerd û binê banê Fermandariya Pêşmergeyan de beşdarê şerê vera DAIŞî bi.

Xelisnayîşê Şingal, Mexmue û Mîhwera Dîcle de rol û hetkarîya Dr. Silêmanî û Hêzê Agirî zêde bî.

Operasyona xelisnayîşê Mûsilî de zî Dr. Silêman û Hêzê Agirî vernî de bî û a operasyone de dest bi vetişê mayînan û teqemenîyanê DAIŞî kerdbî. Dr. Silêman û Pêşmergeyê Partiya Demokrata Kurdistanî yê Îranî (PDKÎ) Resûl Mihemedzade demê vetişê mayîn û pûçkerdişê teqemenîyanê DAIŞî de roja 26.10.2020 de bi giranî birîndar bîyî  

Resûl Mihemedzade roja 27.10.2020 şehîd bi. Dr. Silêman fermanê Serek Mesûd Barzanî ser semedê tedawî neqlê Almanya bi û Dri Silêm nêweşxaneyêkê Almanya de şehîd bi.

Serek Mesûd Barzanî unvanê “General” da Dr. Silêman û bi merasîmêko taybet o eskerî cenazeyê Dr. Silêman Başûrê Kurdistanî ra erşawîya Bakurê Kurdistanî.

Tirmê Dr. Silêmanî bi beşdarîya hezaran kesan Çewlîgê Bakurê Kurdistanî de ame definkerdiş.

ksya-001.jpg

Ev nûçe 131 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin