Seba Hesenkeyf û Newala Dîcle vendayîş

Seba Hesenkeyf û Newala Dîcle vendayîş

Teşebusê Pawitişê Hesenkeyfî seba xelasîya Hesenkeyfî û Newala Dîcle veng da raya pêroyîye ke wa vengê xo bikerê berz.

A+A-

Teşebusê Pawitişê Hesenkeyfî derheqê halo peyên ê Awbendê Ilisû û Hesenkeyfî de beyanatêk da çapemenî.

Beyanato ke bi sernameyê “Seba Hesenkeyfî erey mekewe! Awbendê Ilisûyî tavilî vindarnê” ame dayene de qalê muhîmîya tarîxî û kulturî ya Hesenkeyfî ame kerdene.

Teşebusî va, ê kenê ke Hesenkeyfî fedayê Awbendê Ilisûyî û projeyê Santralê Hîdro Elektrîkî (HES) bikerê, emrê projeyê awbendî 50 serrî yo. Projeyê Ilisûyî ke ver bi qedînayîşî yo, bê vînayîşê peymananê neteweyîyan û mîyannetewîyan ameyo hadrekerdene. Raporê ci yê Ercnayîşê Tesîrê Dormeleyî zî çin o.”

Beyanat de bêxemîya UNESCO û Mehkemeya Heqanê Merdiman a Ewropa zî ame vîrvistiş û ame vatiş ke, her di sazîyî zî bîyê hemparê sûcê qirkerdişê kulturkî.

Peynîya beyanatî de veng dîya raya pêroyî ya demokratîke ke seba xelesnayîşê Hesenkeyfî û Newala Dîcle bê ke erey bikewê tê bigêrê.
 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin