Şaredarîyê qezayanê Yenîşehîr û Kayapinarî yê Amedî Nêverday Wa PAK Seba Dersa Weçînayî Pankartan Bialiqno.

Weçînayîşê 31ê Adara 2019î ra dima, Şaredarîyê qezayanê Yenîşehîr û Kayapinarî yê Amedî destê HDP de bî. La Wezaretîya Zereyî yê Dewleta Tirkîya her di Serekşaredarê HDPyî wazîfe ra girewtî û herinda înan de qeyûmî tayin kerdî.

PAKî waşt ke, semedo ke wa keyeyê kurdan dersa weçînayî ya kurdkî bweçînê, zaf qezayanê Amedî de kuçe û cadeyan ser o pankartan bialeqno.

Ê pankartan de bi zaravayê kurmancî û kirmanckî/zazakî û bi tirkî wîna amebi nuştiş:

--Em zarokên xwe di dersa bijarte ya kurdî(Kurdî, Kirmanckî/Zazakî) de qeyd bikin

--Ma tutanê xo dersa weçînayî ya kurdkî(Kurdkî, Kirmanckî/Zazakî) rê qeyd bike

--Çocuklarımızı Kürtçe(Kurmanci, Zazaki) Seçmeli Derse Kaydedelim

Sey prosedurê qanûnî Teşkîlatê Amedî yê PAKî Walîtîya Amedî rê muracat kerd ke wa îznê pankartan bido. La Walîtîya Amedî va ‘’Aliqnayîşê pankartan selahîyetê şaredarîyan de yo. Ganî şima şaredarîyan rê muracat bikê û înan ra destûr bigîrê’’.

Nê cewabê Walîtîya Amedî ser o Teşkîlatê Amedî yê PAKî roja 17.01.2022 şaredarîyê qezayanê Yenîşehîr û Kayapinarî rê muracat kerd ke wa destûr bidê ke pankartanê xo bialiqnê.

La şaredarîya qezaya Yenîşehîrî roja 17.01.2022 PAKî rê cewab erşawit û va, waştişê şimanêameyo qebûl kerdiş, seba ney şima nêeşkenê pankartanê xo bialiqnê. Şareedarîya Kayapinarî cewab nêdana waştişê pêvînayîş û telefonanê PAKî û bi hawayêko fîlî destûr nêdana aliqnayîşê pankartan.

Zanîyeno ke tay sendîka û komeleyan derheqê dersa weçînayî ya kurdkî de tay qezayanê Amedî de pankartê xo aliqnayê. La çi heyf ke şaredarîyê qezayanê Yenîşehîr û Kayapinarî yê Amedî  nê heqê meşruyî yê PAKî red kerdê.

Nê muhameleyê şaredarîyanê qezayanê Yenîşehîr û Kayapinarî şermezar kenê.

No qirar û muhameleyê her di şaredarîyan binpay kerdişê yasayan o.

Dersa weçînayî qirarêkê Hukmatê Dewleta Tirkîya yo. Eger şaredarîyêk destûrê pankartêko ke waştişê hetkarîya dersa weçînayî biko nêdo, yeno manaya ke a şaredarî bi hawayêko keyfî yasayan zî qebûl nêkena.

Nê muhameleyê keyfî yê qeyûman hişmendîya înan a vera ziwanê kurdkî û ya azadî û demokrasî nîşan dano.

Avuqatê partîya ma bi rayîrê hûqûqî do derheqê nê her di şaredarîyan de cipersayîş bidê dest pêkerdene.

18.01.2022

Buroya Çapemenî û Têkilîye ya PAKî

Biwanê: PAK: Gere keyeyê Kurdan dibistanan de dersa weçînite ya ziwanê Kurdkî biweçînê