Şandeya ENKS serdana gorna Dr. Nûreddîn Zaza kir

Şandeya ENKS serdana gorna Dr. Nûreddîn Zaza kir

Şandeya ENKS serdana gorna Dr. Nûreddîn Zaza kir

A+A-

 

Şandeya Encumena Niştimanî ya Kurd li Sûriyê (ENKS), li bajarê Lozanê yê swêsrî serdan gorna roşenbîr, siyasetmedar û yekemîn serokê Partiya Demokrata Kurdistanê- Sûriyê Dr. Nûreddîn Zaza kir.

Şandeya ENKS ku endamên komîteya peywendiyên derve bi xwe ve digire, "Fatîhe" li ser giyanê pak ê tekoşerê kurd ê navdar xwend û xebat û tekoşîna wî bi bîr anî.

Yusuf Ziya ku bêhtir mîna Dr. Nûreddîn Zaza tê naskirin li Maden a girêdayî Xerpûta Kurdistana Bakur sala 1919 jidayik bûye û di havîna 1988-an de, li Lozanê wefat kiriye.
Piştî şoreşa şêx Seid, ku hîna 7 salî bû, li gel birayê xwe yê mezin Dr. Nafiz Beg derbasî "binxetê" bûne û li bajarê Qamişlo bi cih bûne.

Yek ji damezrênerên Komela Xwendevanên Kurd li Europa ye.

Çend pirtûk û wergerandinê wî hatine çapkirin: "Memê Alan", "Şivanê Kurd- wergerandin ji zaimanê frensî", "Cenga Azadiyê- helbest", "Kurdistan-bi zimanê frensî" û "jiyana min weke kurdekî".

(E.B)

Ev nûçe 1164 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin