Rûsya û Esadî da artêşa tirke ro: 33 eskerê tirkan amê kiştene

Rûsya û Esadî da artêşa tirke ro: 33 eskerê tirkan amê kiştene

Rûsya û rejîmê Sûrîye roja pancşemeyî Îdlîb de da eskeranê tirkan ro. Bi desan eskerê tirkî merdî. Goro ke îdîa beno 120 eskerê tirkan amê kiştene.

A+A-

Merkezê Xeberan - Derheqê derba teyarayanê Rûsî yê vera artêşa tirke de hetê medyaya erebe, çimeyanê heremîyan û medyaya komelkîye ra xeylê zanayîşî ameyî parekerdene.

Dewleta tirke destpêkî de îdîa kerd ke têna 9 eskerî kişîyayî labelê ereyê şewe de na hûmare bîye zêdêr.

Nêmeyê şewe bi beyanatêk de ame vatiş ke 33 eskerî ameyî kiştene.

Goreyê zanayîşan ê ke herême ra ameyî girewtîs en tay 120 eskerê tirkîya ameyî kiştene û bi desan eskerî zî birîndar bîyî.

Qismêk kişte û birîndarî neqlê ameyî Nêweşxaneyê Hatayî bîyî, tay birîndarî zî nêweşxaneyanê Dîlokî de yê. Reyhanli de zî xeylî eskerê birîndarî estê.

Heto bîn ra ama îdîakerdene ke teyarayê şerî yê tirkîya kewtî warê hewayî yê Îdlîbî.

Dezgehê Heqanê Merdiman ê Sûrîye yo ke merkezê ci London de yo pare kerd ke Cebel Zawîye, Zakûm û Sehl El Gabî de en tay 34 leşkerê tirkî ameyî kiştene.

Ame îdîakerdene ke tewr tay 100 cenazayî ameyî

Goreyê xebera Ajansê Mezopotamya Nêweşxaneyê Reyhanliyî ame girewtene û tîman seba gonîye anons kerd. Heman xebere de nê zanayîşî ameyî dayene: ''Yeno vatene ke 100 cenazayê leşkeran ardî nêweşxane û bi desan leşkerî zî birîndarî.

 Cenazaya 32 leşkeran berdî Nêweşxaneyê Neweyî yê Hatayî û bi desan leşkerê birîndarî zî berdî uca. Şar verê nêweşxaneyan de kom bi. Ewro seba mamostayanê camêrdan kaxidê seferberîye ame erşawtene. Sînor de têgêrayîşê leşkeran zêde yo. Sînorê Ogulpinarî sey warê qedexekerdeyî yê leşkerî ame îlankerdene. Yeno vatene ke tay dewijê ke sînor de keyeyî înan estê herême veng kenê. Servîsê leşkerî yê Nêweşxaneyê Îskenderûnî birîndaran rê ame girewtene. Yeno vatene ke nêweşxaneyê Hatayî pêro seba leşkeran ameyî girewtene.''

Selahîyetdaranê tirkan Beştepe de kombîyayîşo berz ê asayîşî kerd. Goreyê medyaya tirkan kombîyayîşo berz hetê Serekkomar Erdoganî ra ame kerdene û Wezîrê Pawitişî Hulusî Akar, Wezîrê Karanê Teberî Mevlut Çavuşoglu, Serekê Fermandarîya Pêroyîye Yşar Guler, fermandarê baskanê artêşe û Serekê MÎTî Hakan Fîdan tewrê kombîyayîşî bîyî.

Wezîrê Karanê Teberî Çavuşoglu bi rayîrê telefonî Sekreterê Pêroyî yê NATOyî Stoltenbergî reyde qisey kerd.

Walî: 33 leşker merdî

Wextê kombîyayîşê berzî yê asayîşî de Walîyê Hatayî Rahmî Doganî eşkerayîyêk da û îdîa kerd ke 9 eskerê tirkî merdî.

Walîyî dima eşkerayîyêka diyîne weşana û vat ke hûmara 22 ya, labelê nêmeyê şewe de reya hîreyîne eşkerayîye da û pare kerd ke hûmara kişteyan bîya 33. Goreyê Walîyî 36 leşkerî zî birîndar bîyî.

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin