Li Til Rifeta ku Rûsya jê vekişiyaye milîşeyên Îranî, hêzên rejîmê û şervanên YPGê lê hene.

Li gorî rêkeftina Moskowa, Tirkiye û Îranê; tê îdiakirin ku ji herêma ku Rûsya vekişiyaye dê hêzên rejîmê û milîşeyên girêdayî Îranê li herêmê bimînin.

Serokomarê Tirkiye Recep Tayyip Erdogan û Serokê Dewleta Rûsyayê Vladimîr Pûtîn du roj berê li Moskowayê bi mijarê Rojavayê hevdîtinek pêk anîbûn.

Hêjayî gotinê ye ku ev du hefte ne ku Tirkiyê li Efrînê û deverên din ên di destê Sûriyê da ne, hebûna xwe ya leşkerî û cebilxaneyî zêde dike.

Hat îdiakirin ku Tirkiyê hêz ji bo sînorê Til Rifetê vediguhezîne û hebûna xwe ya leşkerî zêde dike. Li gorî medya erebî Rûsya hêzên xwe ji Til Rifetê vekişandîye.

Çavkaniyên herêmî jî diyar dikin ku Tirkiyê hebûna xwe ya li herêmê zêde dike.