• Diyarbakır 9 °C
  • Batman 8 °C
  • Hakkari 1 °C
  • Şırnak 6 °C
  • Ağrı 0 °C

Rûsya: Dibe ku Amerîka, mijara Kurdistana Mezin têxe rojevê

Rûsya: Dibe ku Amerîka, mijara Kurdistana Mezin têxe rojevê
Sergey Lavrov ragihand, ku Amerîka bi alîkariya hevpeymanên xwe yên Kurd li Sûriyê hewl dide nîv dewletekê li derveyî kontrola Şamê li Rojhilatê Firatê ava bike û got ku egera wê yekê heye, ku Amerîka pirsa Kurdistana mezin têxe rojevê.

Sergey Lavrov ji çend kenalên ragihandinê yên welatê xwe re diyar kir: “Amerîka bi hevkar û hevpeymanên xwe re li Sûriyê, hewla damezrandina dewletekê li rojhilatê çemê Firatê dide û bi rêya hevpeymanên xwe, beriya hemûyan Kurd, hewl dide wan rûberan bi kar bîne da ku dewleteke neyasayî damezrîne.”

 

Wezîrê Derve yê Rûsyayê got: “Li gor baweriya min pirsgirêka Idlibê dê pirsgirêka herî dawî be li Sûriyê.”

 

Lavrov destnîşan kir, ku rewşa rojhilata Firatê nayê qebûlkirin û got: “Amerîka bi karên nerewa radibe, ku niha li wê deverê dezgeh û saziyên desthilatekê hatine avakirin, da ku cihê dezgehên hikûmeta Sûriyê bigirin.”

 

Sergey Lavrov ev yek jî anî ziman, ku egera wê yekê heye, ku Amerîka pirsa Kurdistana mezin têxe rojevê.

Ev nûçe 431 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din