RUHANÎ: MA DO DIŞMENANÊ XO POŞMAN BIKE

RUHANÎ: MA DO DIŞMENANÊ XO POŞMAN BIKE

Sek zanîyeno mabênê Amerîka û Îran de krîz esto û pawîyeno ke nê her di dewletî mabênê xo de şer bikê. Serekkomarê dewleta Îranî Hasan Ruhanî vano: Şerê Iraqî de dest ronîya erdanê ma ser o. Nika zî hetê ekonomî ra debar û huzurê şarê ma tehdîd beno.

A+A-

Serekkomarê dewleta Îranî Hasan Ruhanîyî dewleta Amerîka tehdîd kerd.

Sek zanîyeno mabênê Amerîka û Îran de krîz esto û pawîyeno ke nê her di dewletî mabênê xo de şer bikê. Serekkomarê dewleta Îranî Hasan Ruhanî vano: Şerê Iraqî de dest ronîya erdanê ma ser o. Nika zî hetê ekonomî ra debar û huzurê şarê ma tehdîd beno.

Ruhanî îdîa keno ke, ê do dewleta Amerîka bikê poşman. Îran do şerê ekonomî de dişmenanê xo biko poşman û wina vano: Beno ke dişmenê ma bi bombeyan bierzê ma ser. Beno ke ma çend şehîdan bide. La ma do hedefê xo yê xoserîye ra wazgêç nêbe. Ruhanîyî îzah kerd ke şarê Îranî do teslîm nêbo û vera Amerîka û Îsraîlî de xo ver bido.

Heto bîn ra Fermandarê Hêzanê Behrî yê Îranî Huseyîn Hanzadî zî îdîa keno ke keştîya Amerîka semedo ke fuzeyanê Îranî ra tersaya herêma Korfezî ra remaya. Hanzadîyî va: Keştîya Amerîka 700 km durê sînoranê Îranî de vinderte bî. La keştî vizêr seba ke fuzeyanê ma ra tersa peyser şî.

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin