• Diyarbakır 10 °C
  • Batman 11 °C
  • Hakkari 6 °C
  • Şırnak 9 °C
  • Ağrı 2 °C

Rojnameya Swêdî cara pêşîn di 1784ê de bahsa Kurdistanê kiriye

Rojnameya Swêdî cara pêşîn di 1784ê de bahsa Kurdistanê kiriye
Rohat Alakom kitêba xwe ya ”Dîroka Kurdistanê di çapemenîya Swêdê de” da naskirin û îmze kir.

Di 17.09.2016ê de li Kitêbxaneya Kurdî  a li Stockholmê Rohat Alakom kitêba xwe ya ”Dîroka Kurdistanê di çapemenîya Swêdê de” da naskirin û îmze kir.

Rohat di derbarê lêkolîna xwe de got; berîya ku bihê Swêdê mafê penaberîyê bigre sê tişt bala wî kêşandîye; yek berhema Îdrîsî Bitlisî ya bi nave Heşt Buhişt ku li Kitêbxaneya bajarê Swêdê ya Uppsalayê hebûye. Ya duyem Jîyana Şerîf Paşa bûye ku 10 sal li Swêdê maye û sêyem jî gotareka Cemal Gursel yê serokkomarê Tirkiyê bûye ku tê de kurdan tehdît kiriye û li gor gelek çavkanîyan di rojnameya Swêdî ya Dagens Nyheter de çap bûye.

Rohat di nasandina kitêba xwe de li ser van babatan û babetên din ku di medyaya swêdê de çap bûne sekinî ku di kitêba wî de hemû cî girtine.

Li gor vê lêkolîna wî cara yekem di medyaya Swêdî de bahsa Kurdistanê di 5.04.1784ê de di rojnameya Stocholms Post- tidningar de hatîye kirin.

Nûçeya bahsa Kurdistanê weha bûye:

”Çarîçeya Rûsyaya II. Katarîna xwestîye ku şênîyê Kurdistan, Ermenîstan, Çerkezya. Mergelya û Gurcîstanê teşwîq bike ew bên li Qirimê cîwar bibin û aborî û debara xwe li wê bikin.”

Dihê zanîn Qirim di 1783ê de ji alîyê Ordîya Rûs bi pêşengîya Çarîçeya Rûsyaya Katarîna II ve dihê dagirkirin.

 

Rohat alakom
Dîroka Kurdistanê di çepemenîya Swêdê de
Çapa yekem, weşanxaneya Apec, 2016

Weşanên Apec
Box: 8121

163 08 Spånga- Sweden
ISBN: 978-91-88333-09-4

Ev nûçe 1166 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din