Rojnameya Sözcü; "60 efserên tirk revîyan çûn Qendîlê"

Rojnameya Sözcü; "60 efserên tirk revîyan çûn Qendîlê"

Her wiha di nûçeyê de tê gotin ku ew agahî ji aliyê MÎT û sererkaniya artêşê ve jî hatiye piştrastkirin

A+A-

Rojnameya "Sözcü" ya Tirkiyê nivîsîye ku, 60 efserên artêşa Tirkiyê ku ji wan 3 general  in, piştî hewldana darbeya 15ê Tîrmehê ya biserneketî, çûne xwe teslîmê PKKê kirine.

Li gorî nûçeya rojnamê, ew efser û fermandarên artêşa Tirkiyê bi rêya deriyê Xabûr-Îbrahîm Xelîl derbasê Zaxo bûne û li wir jî PKKyî ew veguhestine Qendîlê.

Her wiha di nûçeyê de tê gotin ku ew agahî ji aliyê MÎT û sererkaniya artêşê ve jî hatiye piştrastkirin.

Wek dihê zanîn Wezîrê Berevaniya Tirkiyê Fikri Işık beriya niha gotibû, 288 efser, serbaz û fermandarên artêşê yên ku tevlî darbeyê bibûn, reviyane ku di nav wan de 9 general jî hene.

Heta niha PKKê li ser vê nûçeyê daxuyaniyekê nedaye.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin