• Diyarbakır 34 °C
  • Batman 36 °C
  • Hakkari 27 °C
  • Şırnak 32 °C
  • Ağrı 16 °C

Rêkeftineke girîng di navbera Trump û Kim Jong-un de

Rêkeftineke girîng di navbera Trump û Kim Jong-un de
Serokê Amerîka Donald Trump û Serokê Koryaya Bakur Kim Jong-un îro li Singeporeyê civiyan û rêkeftineke girîng îmze kirin.

Serokê Amerîka piştî îmzekirina rêkeftinê ragihand, Amerîka û Koryaya Bakur dê cîhanê bi encama lûtkeya wan sersam bikin û got: “Rêkeftina wan giştgîr û gelekî girîng e”

Donald Trump soza da ku bilez pêwendiyên Amerîka – Koryaya Bakur bi pêş ve bibe û got: “Di çarçoveya lûtkeya bi Kim Jong-un de, têkliyeke taybet di navbera me de çê bû û amade me pêşwaziyê li Koşka Spî li Kim Jong-un bikim.”

Ji aliyê xwe ve, Kim Jong-un spasiya Trump kir û got: “Îmzekirina vê rêkeftina dîrokî, ragihandina destpêkeke nû û guhartinên mezin in.”

Serokê Amerîka Donald Trump û Serokê Koryaya Bakur Kim Jong-un îro li hotela Capella a Singeporeyê hatin ba hev û di pişt re lûtkeyek girtî encam dan.

Ji ber milmilaneyên atomî di navbera her du welatan de, piştî nêzîkî 20 salan ev cara yekem e serokekî Amerîkî û Serokekî Koryaya Bakur bi hev re dicivin.

 

Ev nûçe 422 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din