Li ser tora civakî hate parvekirin ku doh Supaha Pasdaran a Îranê li devera Tilgever a nêzîkî Ormiyê gule berdan ser kolberan û di encamê de welatiyekî Kurd ê bi navê Efşîn Elî yê 33 salî birîndar bû.

Hat ragihandin ku Efşîn Elî piştî bûyerê rakirine nexweşxaneya Tewrêzê lê rewşa wî ya tenduristiyê ne baş e û di bin pişkinîna bijîşkan de ye.

 

Her wiha doh jî Pasdarên Îranê li Serdeştê jî gule berdan ser kolberan û di encama êrîşê de kolberekî Kurd ê bi navê Nasir Omerî yê 29 salî bi giranî birîndar bû. Omerî jî piştî bûyerê bo nexweşxaneya Serdeştê hate veguhastin. Hat gotin rewşa wî ne baş e.