Qeyûmê Dîyarbekirî peyê xo de 759 mîlyon deyn verda

Qeyûmê Dîyarbekirî peyê xo de 759 mîlyon deyn verda

Qeyûmê Beledîyeya Amedî Cûmalî Atîllayo ke îdia kerdêne ke ‘qirûşêk deynê beledîya çin o’ peyê xo de 759 milyon û 132 hezar û 565 lîre deyn verda.

A+A-


Qeyûmê Beledîyeya Amedî Cûmalî Atîllayo ke îdia kerdêne ke ‘qirûşêk deynê beledîya çin o’ peyê xo de 759 milyon û 132 hezar û 565 lîre deyn verda.


Qeyûmê Beledîyeya Dîyarbekirî Cumalî Atîllayo ke mîyanê 2 serran de serekîya Beledîyeya Dîyarbekirî kerd, peyê xo de deynêko pîl verda. 


Cûmalî Atîlla serra 2016î de hetê Wezîrê Karanê Zereyî yê Tirkîya ra sey qeyûmê Şaredariya Amedî amebi tayînkerdene. Demê Weçînayîşê Mehelî yê 31ê Adare de hetê qeyûmî ra her hetê bajarî de pankartî ameybî aliqnayîş û pankartan de wina nusîya ‘Mi hende xizmet kerd. Yew tek quriş deynê Beledîyeya Dîyarbekirî çin o.’


La seke pey ra vejîyabi orte qeyûm Atîllayî tenya seba odeya meqamê xo 2 milyon û 127 hezar û 725 lîre pere xerc kerdo. Onca vejîyabi orte ke qeyûm Atîllayî tonêk û 600 kîlo kadayîfa fistiqine werdo.  Cumalî Atîllayî mîyanê 2 serran de hezarî ra zêde personelê beledîye kar ra eşt û bi sebebe rizqê înan. Herinda ê kesan de zî merdimê xo girewtî beledîye. 


Nika zî vejîya orte ke qeyûmî peyê xo de deynêko giran verdayo. Deyno ke qeyûm Cumalî Atîllayî peye xo de verda wina yo; 192 milyon û 795 hezar û 302 lîre deynê awe, 38 milyon û 431 hezar û 978 lîre deynê ceyranî, 768 hezar û 290 lîre deynê xebatkaran, 12 milyon û 679 hezar û 231 lîre deynê muteahîdan, mîlyonêk û 365 hezar û 734 lîre deynê Wezaretîya Derûdor û Bajarvanî,  3 milyon û 577 hezar û 302 lîre zî deynê SGK û meaşê personelan.


Deynê krêdiyan ê banqeya bajaran zî 208 milyon û 551 hezar û 166 lîre yo. Qeyûmî pêroyî de 759 milyon û 132 hezar û 565 lîre deyn peye xo de verda.

Ev nûçe 263 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin