• Diyarbakır 8 °C
  • Batman 7 °C
  • Hakkari 7 °C
  • Şırnak 9 °C
  • Ağrı 0 °C

Piştî rabûna qedexebûnê rastiya wêran a Şirnexê derket ber çavan

Piştî rabûna qedexebûnê rastiya wêran a Şirnexê derket ber çavan
Li Şirnexê piştî 8 mehan bi roj qedexebûna ser derketinê derve rabû. Rastiya wêran derket ber çavan li hin herêman nema êdî kuçe, kolan, dukan, xanî, tu renge avahî mane.

Piştî 246 rojan di navbera 05.00 – 22.00 qedexebûna derketina der ji Şirnexê rabû. Kêm Şirnexiyên li bajêr mabûn û yên barî bajarên der û dorê kiribûn vegeriyan ser kavilê wêrankirî. Gelekan li hember wehşeta bi çavên xwe didîtin matmayî bûbûn û ji çavên xwe bawer nedikirin mat mayî diman. Li hin herêman yek mal ava nemabû, tax, kuçe ji holê rabûbûn. Gelekan nikaribûn hêstirên çavên xwe bigrin û rondik ji rûkên wan diherikîn.

sirnex-14.jpg

Li şirnexê ji 14 727 xanî, 2 044ê wan bi temamî xera bûne, bi hezaran xanî jî nîv xerabûyinê. Li hin taxan rê û kuçe bi temamî ji holê rabûne. Şirnexiyên bi xeyala vegerin malê hatine bajêr nizanin wê vê zivistanê li kuderê û çewa star bibin.

Serokê Baroya Şirnexê Noşîrevan Elçî ji bo nuh ve avakirina Şirnexê banga alikariye kir.

Noşîrevan Elçî di bangê de dibêje xesara Şirnexê gelekî mezin e û dibêje: "Tu li ku binêrî ji 3yan 2yê Şirnexê xira bûye. Em dibêjin îro Şirnex bi quweta xwe nikare xwe ava bike. Divê hikûmeta Enqereyê planeke lezgîn çêbike û alîkariya xelkê bike”.

​Ji bo dîmenên Şirnexa wêran û vegera Şirnexeyan li foto galerîyê binêrin.

 

Ev nûçe 1097 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din