Pirtûka kilamên Radyoya Êrîvanê

Pirtûka kilamên Radyoya Êrîvanê

Ji alîyê Enstîtuya Çanda Kurd-Alman (Deutsch Kurdisches Kultur Institut) û Kurdisches Musik Und Kulturerbe E.W. (KMK) pirtûka bi navê ‘Stranên Arşîva Radyoya Êrîvanê’ ku ji 4 cildan pêk tê derçû.

A+A-

Navenda Nûçeyan - Berhevkarîya pirtûkê Cewad Merwanî kirîye û di pirtûkê de bi giştî gotin û notayên 915 stranan cih digirin. Notayên stranên dengbêjan hatine nivîsandin û her wiha di warê akademîk de analîzên hemû stranan hatine kirin.

Mehmet Çakmak edîtorîya pirtûkê kirîye û muzîkolog Veysî Varli jî kontrol, sererastkirin û têkildarî stranan analîz nivîsandîye. Servet Denîz redaksîyon û Şîyar Ayaz jî notasyona pirtûkê kirîye.

Muzîkolog Veysî Varli têkildarî vê berhema girîng agahî da û dîyar kir ku Cewad Merwanî 8 sal berê ev xebat ji wî re şandîye û piştre bi tevî lijneyeke hatîye avakirin dest bi xebatan kirine. Varli da zanîn ku amadekirina pirtûkê di 8 salan de qedîyaye û pirtûk li Ewropayê hatîye çapkirin. Pirtûk li nêzî 100 sazîyên civakî û sazîyên çapemenîyê yên li Amedê hatîye belavkirin. 

 

Xwebûn

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin