• Diyarbakır 9 °C
  • Batman 4 °C
  • Hakkari -4 °C
  • Şırnak 8 °C
  • Ağrı -8 °C

Pêşmergeyê 72 salî bi 4 zarokên xwe li cephayê Mûsilê ye

Pêşmergeyê 72 salî bi 4 zarokên xwe li cephayê Mûsilê ye
"Bi 4 zarokên xwe Şiwal, Nixdad, Nûman û bi Munir re tevlî operasyona Mûsilê bûn, ne tenê zarokên min gelek birazî, xwarzî û pismam û xizmên min jî li sengerên şer in"

Gelek pêşmergeyên extiyar hene ku tevlî şerê Mûsilê bûne Yek ji wan Pêşmergeyên teqawut ku emrê wî  72 salî ye û bi 4 zarokên xwe re tevlî operasyona rizgarkirina Mûsilê bûye Hemze Salih li cepheyê şer ji ajansa Spûtnîkê re axivîye.

Salih di axaftina xwe de gotîye: "Min 40 salî pêşmergetî kir û li gelek cihan tevlî şer bûm. Di dema Seddam Huseyn de jî li serê çiyayê Kurdistanê min pêşmergetî kir. Ez tevlî gelek şerên bêjimar bûm, çendîn caran birîndar jî bûm û ji mirinê filîtîm."

Em ji bo ax û welatê xwe şer dikin

Pêşmergeyê 72 salî Hemze Salih di berdewamiya axaftina xwe de gotîye: "Niha jî ji bo şerê li hemberî rêxistina terorîst a DAIŞê bi 4 zarokên xwe Şiwal, Nixdad, Nûman û bi Munir re tevlî operasyona Mûsilê bûn, ne tenê zarokên min gelek birazî, xwarzî û pismam û xizmên min jî li sengerên şer in. Wekî min bi sedan Pêşmergeyên extiyar hene ku tevlî şerê Mûsilê bûne. Em ji bo ax, welat û milletê xwe şerê terorîstên DAIŞê dikin. DAIŞê dijminê însaniyetê ye, divê herkes di şerê li dijî wan de kedekê bide."
 

Ev nûçe 1009 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din