Şêwirmendê Ewlekariya Netewî yê Amerîkayê John Bolton beriya serdana Tirkiyê li Îsraîlê gotibû, heta ew parastina Kurdan misoger nekin û rê li ber operasyonê negirin ji Sûriyê venakişin û vê yeke bandor li serdana Tirkiyê kiribû û Serokomarê Tirkiyê Recep Tayyip Erdogan hevdîtina Bolton red kiribû.

Rayedarên Pentagonê ji WSJê re li ser mijarê dane xuyakirin ku plana vekişînê berdewam e û ji xeynî Fermana Trump wan fermaneke nû wernegirtiye.

Di nûçeya WSJê de hat gotin, “Rayedarên Amerîkî difikirîn ku wan ji Birêz Erdogan misogeriya êrîşnekirina ser hevpeymanên Amerîkayê yên Kurd wergirtiye.”