PDK naveroka rêkeftina xwe ya li gel YNKê belav kir

PDK naveroka rêkeftina xwe ya li gel YNKê belav kir

Peyvdarê partiya demokrata Kurdistanê (PDK) Mehmûd Mihemed naveroka rêkeftina navbera PDK û YNK bo raya giştî eşkere kir.Ev rêkeftin derbarê ava kirina kabîneya nû, Kerkûk û çend mijarên din de bûye.

A+A-

Peyvdarê partiya demokrata Kurdistanê (PDK) Mehmûd Mihemed naveroka rêkeftina navbera PDK û YNK bo raya giştî eşkere kir.

Ev rêkeftin derbarê ava kirina kabîneya nû, Kerkûk û çend mijarên din de bûye.

Li gor Mehmûd Mihemed navroka rêkeftinê bi vê rengiye:

1-her du alê pêbendî serweriya axa Kurdistanê, berejwendiyên gelê Kurdistanê dibin û dezgehên heyî yên destûrî yên Kurdistanê diparêzin û bihêztir dikin.

2- her du alî di birêvebirin û bihêztir kirina dezgehên destûrî, siyasî û îdarî  yên Kurdistanê de û bihêztir kirina wan de hevparên rastîn dibin, bi awayekî ku îradeya gel û qanûn çavkaniya desthilatan û şerêyeta wan be.

3- bo parastina asayîn û ewlekariya Kurdistanê û bersifdana metirsî û êrîşan her du alî bi rêya hikûmeta Kurdistanê hewldanên xwe bihêztir bikin bo dubare rêkxistina hêzên pêşmerge û hêzên ewlekariya navxweyî.

4-her du alî bi tewahiya karîn û hêzên xwe ve hevkarî û piştgîriya hikûmeta Kurdistanê dikin bo cîhbicîh kirina reforman û dabîn kirina jiyaneke xweştir bo xelkê Kurdistanê. Nehêştina gendelî, berqerar kirina şafafî û cîhbicîh kirina wan pêgnavan jî lazime bi rêya amade kirina qanûnan be.

5- her du alî hevkar dibin bo ku hikûmeta Kurdistanê bernameyeke bihêz ya bo reformên îdarî li seraserê Kurdistanê amade û cîhbicîh bike.

6-her du alî hewl didin daku di gera nû ya parlementoyê de destûra Kurdistanê were amadekirin û xwestekên heyî li ser pergala siyasî ya Kurdistanê bi lihev kirin werin cîhbicîhkirin, her du alî hevkar dibib ku bi çavdêriya hikûmetê û cîhbicîh kirin û zêdetir kiriaa desthilatên lokalî, were pêk anîn.

7-heta amade kirina destûra Kurdistanê proje qanûnên nîştimanî yên girîng bi lihev kirinê werin amadekirin weke qanûna Serokatiya Kurdistanê.

8-her du alî bi rêya hikûmeta Kurdistanê hewlên xwe bo zêdetir kirina çavkaniya dahata Kurdistanê zêdetir dikin.

9-lazime her du alî hewl bidin daku aliyên têkildar sermayeyên ser erd û binerd bi awayekî şefaf bixin xizmeta welat û xelêk Kurdistanê.

10-li ser mafên nîştimanî û netewî yên gelê Kurdistanê her du alî li Bexdayê hevhelwest û yek deng dibin. Bi taybetî derbarê babeta petrol, gaz, rewşa deverên Kurdistanî yên derveya îdareya Kurdistanê.

11- her du alî lihev kirine ku têkiliyên bi welatên cîhanî, herêmî û deverê re bi rêya saziyên fermî yên hikûmeta Kurdistanê re bin û her du alî lazime li ser pirsên cîhanî hevra û yekdeng bin.

12-her du alî pêbendî azadî û mafên pêkhateyên etnîkî û olî yên Kurdistanê dibin û derfetên zêdetir bo beşdariya wan di her warî de werin afirandin.

13-her di alî li ser vê yekê ku teror hîn jî metirsiye li ser asayîşa Kurdistanê hemfikirên lewre pêbendî hevpeymaniya navxweyî û cîhanî ya li dijî terorê dibin.

14- her du alî lihev kirine ku lazime kabîneya nû ya hikûmetê jiyaneke baştir bo xelkê û herwiha derfetên zêdetir yên karê bo xelkê biafirêne.

15-Serok û cîgirê Serokê parlementoyê hevhelwest dibin û ev yek jî rê bo karên hevbeş yên firakisyonên PDK û YNKê xweştir dike.

16-her du alî hemfirkirên ku di warê abûrî dahat û mesrefên giştî de lazime jinûve guhertin werin kirin û lazime bi rêya hikûmetê ev pêngavên han werin cîhbicîhkirin.

17-têkiliyên Kurdistanê bi rêya hikûmet û dezgehên fermî yên qanûnî werin danîn.

  1. Lazime di nava nuneratî û dezgehên hikûmetê yên derveya welat û şandên hikûmetê yên bo derveya welatê hevsengî were parastin.
  2. B-di gera nû ya parlementoyê de wenêrîn bo têkiliyên Kurdistênê were kirin bi awayek ku wezîrek taybet bi têkiliyan jî hebe.

18-her du alî bihevbeşî weke yek tîm kar bo çareser kirina rewşa sepandî ya Kerkûk û deverên Kurdistanî yên derveya îdareya Kurdistanê dikin.

18-pêbend bûna her du aliyan bi vê rêkeftinê bo piştgîrî kirina hikûmeta Kurdistanê erkê her du aliyan e.

 

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin