• Diyarbakır 7 °C
  • Batman 6 °C
  • Hakkari 2 °C
  • Şırnak 5 °C
  • Ağrı -3 °C

PDK-Î : ”Du pêşmergeyên me şehîd bûn”

PDK-Î : ”Du pêşmergeyên me şehîd bûn”
Yek ji wan pêşmergeyan Endamê KN ya PDK-Î Kawa Ciwanmerd e.

Partiya Demokrata Kurdistana Îranê (PDK-Î) ragihand ku li navçeya Sewlawa ya Merîwanê, di encama şerekê de 2 pêşmergeyên wan şehid bûne ku yek ji wan pêşmergeyan Endamê Komîteya Navendî ya PDK-Î Kawa Ciwanmerd e.

PDK-Î bi daxuyaniyekê ragihand ku Endamê Komîteya Navendî ya PDK-Î Kawa Ciwanmerd û pêşmergeyek din ê bi navê Serkeft Samedî, di dema şerê  di navbera pêşmergeyên PDK-Î û pasdarên Îranê ya li navçeya Sewlawa ya Merîwanê de, ji hevalên xwe vediqetin.

Li gor daxuyaniyê 10 roj piştî vê pevçûnê anku roja 5ê Tîrmehê, li heman navçeyê hêzên Artêşa Îranê Ciwanmerd û hevalê wî Samedî dorpêç dikin.

Di daxuyaniyê de tê gotin ku Kawa Ciwanmerd û hevalê wî, heta fîşeka xwe ya dawî li dijî leşkerên Îranî şer dikin û piştî ku cebilxaneya wan diqede, bombeyên xwe di xwe de diteqînin.  

Ev nûçe 936 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din