PDK: Êrişa ser ofîsa Şaxewan Ebdullah li Kerkûkê terorîstî ye

PDK: Êrişa ser ofîsa Şaxewan Ebdullah li Kerkûkê terorîstî ye

.

A+A-

Cîgirê Duyem ê Serokê Parlamentoya Iraqê, Şaxewan Ebdullah ji Rûdawê re ragihand, êvara Çarşembê 19ê Çileya 2022an ofîsa wî ya li Kerkûkê rastî êrişeke bombeyî hatiye û Partiya Demokrata Kurdistanê (PDK) jî bûyer şermezar kir û weke “êrişeke terorîstî ya şikestxwarî” bi nav kir.

Ofîsa Şaxewan Ebdullah Cîgirê Duyem ê Serokê Parlamentoya Iraqê li bajarê Kerkûkê êvara duh Çarşembê rastî êrişeke bi bombeyê hat.

Şaxewan Ebdullah derbarê êrişê de ji Rûdawê re ragihand, “demjimêr 7:25 êvara Çarşembê 19ê Çileya 2022 bi bombeyekê êrişê ser ofîsa min li nêzîk Çerxerêya Îxwan li taxa Rehîmava ya Kerkûkê hatiye kirin, lê ti zirarên canî çê nebûye û tenê zirar gihîştiye avahiyê.”

Partiya Demokrata Kurdistanê (PDK) di daxuyaniyekê de êrişa ser ofîsa Şaxewan Ebdullah şermezar kir û weke êrişeke terorîstî ya şikestxwarî bi nav kir.

PDKê ragihand, “Em wek Partiya Demokrata Kurdistanê di demekê de ku gelek bi tundî wê êrişê şermezar û riswa dikin, ji bikerên wê re jî radigihînin ku bi kiryarên terorîstî û şikestxwarî, şikestinên wan nayên çareserkirin û veşartin.”

Polîtboruya PDKê herwiha dibêje, “Em wiha dibînin ku parastina maf û jiyana hemwelatiyan û berpirsan bêyî cudahî di stuyê hêzên emnî û aliyên peywendîdar ên bajar de ye.”

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin